வாழ்ந்து பார்க்கலாம்..!

by **அ.இராமநாதன்** Fri Jan 28, 2011 2:12 pm

--
* வா… வாழ்ந்து பார்க்கலாம்!
வாழ்க்கை அழகான கவிதை…
வாசிக்கவும் செய்யலாம்…
கசக்கி தூர
வீசவும் செய்யலாம்!

* உயிர் சுழற்சி
காமம் சம்பந்தப்பட்டது…
காமம் மனம் சம்பந்தப்பட்டது!

* அடுத்தவனின் மரணம்
தரும் பயம்
வாழ்க்கையை சொல்லித் தரும்!

* பயந்த மனம், பயத்தில்
இறந்த கால நினைவுகளில்
ஆறுதல் தேடும்…
எதிர்கால கனவில்
ஒளிந்து கொள்ள பார்க்கும்!

* நிகழ்காலம் மட்டும்
எட்டிக் காயாய்…

* தன்னை பதிவு செய்து கொள்ளும்
போராட்டத்தில்
பல முகங்கள் சூடி
தான் தொலைந்து போன
பரிதாபம்!

* வீணான மிச்சங்கள்
கூட சில உயிர்களுக்கு
உணவாகும்…
வீணாய் முடங்கிக் கிடப்பவன்
தனக்கே சுமையாவான்!

* முட்டி, முட்டி ஓட்டை
உடைத்துத்தான்
கோழி குஞ்சு கூட
வெளிக்காற்றை சுவாசிக்கிறது!

* உன் வாழ்க்கை
உன் முன்னே…

* வாழ்க்கை அழகான கவிதை…
வாசிக்கவும் செய்யலாம்…
கசக்கி தூர
வீசவும் செய்யலாம்!

* கடைசி நாளில்
சிலரின் சில கண்ணீர் துளிகள் தான்
வாழ்ந்த நாளில்
நாம் சேர்த்து வைத்த சொத்து!

* வா… மனிதனாய்
வாழ்ந்து பார்க்கலாம்!

===================================
— எஸ்.ஏ.சரவணக்குமார், சென்னை.
நன்றி: வாரமலர்- தினமலர்