இலங்கையில் சிங்கள ராணுவத்தின் தலைமை தளபதியாக இருந்தபோது ஈவு இரக்கமில்லாமல் தமிழர்களை கொன்று குவித்தவர் சரத்பொன்சேகா.

கடந்த ஆண்டு மே மாதம் முள்ளிவாய்க்காலில் நடந்த போரின் பல்லாயிரக் கணக்கான தமிழர்களின் உயிரைக் குடித்த அவர் போர் வெற்றிக்கு சொந்தம் கொண்டாட விரும்பினார்.

எதிர்க்கட்சிகள் ஆதரவுடன் அரசியலில் குதித்து அதிபர் ராஜபக்சேயையும் எதிர்த்தார். அவரால் பாராளுமன்ற எம்.பி. ஆக மட்டுமே முடிந்தது. ராஜபக்சே போல குரூர புத்தியுடன் சிந்திக்காததால் அவரால் அரசியலில் ஜெயிக்க முடியவில்லை.

ராணுவத்துக்கு ஆயுதங்கள் வாங்கியதில் ஊழல் செய்ததாக குற்றவாளி ஆக் கப்பட்ட அவருக்கு 30 மாத ஜெயில் தண்டனையை ராணுவ கோர்ட்டு வழங்கியது. ஜனாதிபதி ராஜபக்சே அதற்கு ஒப்புதல் கொடுத்ததை தொடர்ந்து சரத்பொன்சேகா வெலிக்கடை ஜெயிலில் அடைக்கப்பட்டுள்ளார்.

ஜெயிலில் அவருக்கு கைதி எண். 0/22032 வழங்கப் பட்டுள்ளது. தனி அறையில் சிமெண்ட் தரையில் விரிப்பு ஒன்றை விரித்து தூங்குகிறார். கைதிகளுடன் வரிசையில் நின்று தட்டை கையில் ஏந்தி சிற்றுண்டியும் மதிய உணவும் வாங்கி சாப்பிடுகிறார்.

ஜெயிலில் அவருக்கு உரிய வேலை கொடுக்கப்பட வேண்டும் என்று உத்தரவிடப்பட்டுள்ளது. அதன்படி வெலிக்கடை ஜெயிலுக்கு வரும் தபால்களை பிரித்து உரியவர்களுக்கு வினியோகிக் கும் வேலை கொடுக்கப்பட் டுள்ளதாக Òதமிழ்வின்Ó இணையத்தளத்தில் தெரிவிக்கப்பட்டுள்ளது.

தபால்களை பிரிக்கும் வேலையில் தொடர விரும்பாவிட்டால் அவருக்கு சிறையில் உள்ள அரசு அச்சகத்தில் நோட்டீஸ் அச்சடிக்கும் வேலை கொடுக்கப்படலாம் என்று கூறப்படுகிறது. சிறை அதிகாரி ஒருவரை மேற்கொள் காட்டி இந்த தகவல் வெளியிடப்பட்டுள்ளது.

தபால் பிரிக்கும் வேலை அல்லது நோட்டீஸ் அச்சடிக்கும் வேலையை சரத்பொன்சேகா ஏற்றுக் கொள்வாரா? என்பதில் கேள்விக்குறி நிலவுகிறது. அவர் இந்த வேலைகளை செய்யாவிட்டால் கடுமை யான வேலை ஒன்றில் அவர் ஈடுபடுத்தப்படுவார் என்று எச்சரிக்கப்பட்டுள்ளது.

இது குறித்து ஈழத்தமிழர் அமைப்பைச் சேர்ந்த ஒருவர் கூறுகையில், சாப்பாட்டுக்காக சரத்பொன்சேகா கையில் தட்டை ஏந்தி வரிசையில் நின்றபோது, தடுப்பு முகாம்களில் சாப்பாட்டுக்காக வரிசையில் ஈழத்தமிழர்களின் நிலை நினைவுக்கு வந்திருக்கும் என்றார். உப்பைத் தின்றவன் தண்ணீர் குடித்துதானே ஆகணும் என்றும் அவர் கூறினார்.

செய்த தவறுக்காக இன்னமும் அவர் அனுபவிக்க வேண்டியது நிறைய உள்ளது.

அதுவும் விரைவில்