நான் ஒரு யாசகன்

by **சிசு** Fri Jan 28, 2011 6:33 pm

[You must be registered and logged in to see this image.]

நான் ஒரு யாசகன்,
அன்பை மட்டுமே யாசகமாக பெறுகிறேன்!
இது என் குலத்தொழில் இல்லை;
நான் கர்ண பரம்பரை;

என் அன்னைதான் இப்படி ஆக்கிவிட்டாள்;
அளவில்லாமல் அன்பைக் கொடுத்தாள்!
அவளிடம் கேட்காமல் கிடைத்தது,
இன்று கேட்டும் கிடைக்கவில்லை.

யாசகனுக்கு முகம் கிடையாது;
முகமூடிதான் அவனுக்கும் அடையாளம்;
எனக்கு இரண்டுமே கிடையாது;
அடையாளமோ, அரிதாரமோ அவசியமற்றது;

எவர் கனவுகளிலும் நான் வருவதில்லை;
எனக்கு கனவுகள் உண்டு; கவிதைகள் உண்டு!
என் தோள்களில் சிறகுகள் முளைக்கும் வேளையில்
தாங்க முடியாத வலி;

பல காயங்களுக்கு நான் மருந்தாகியிருக்கிறேன்;
என் வலிகளுக்கு நான் மாத்திரை கேட்பதில்லை!
எனக்காக, எனக்கு அழத்தெரியாது;
என் பொம்மைகளுக்காக அழுதிருக்கிறேன்.

முளைவிடும் விதையைப்போல,
வார்த்தைகளுக்குள் அழுந்திக்கிடக்கிறது என் தவம்;
எனக்கும் வானம்தான் கூரை;
நதிதான் தண்ணீர் தருகிறது;

என் பச்சையங்கள் பசியாற்றுகிறது;
பறவைகள் இசையும்;
காற்று சுவாசமும் தருகிறது.

இந்த உலகம் இரண்டாவது தாய்;
என்னை பெரும் யாசகனாக்கியது.
என்னிடம் புன்னகைப்பவர்களுக்கு
நான் பூச்செண்டு கொடுப்பேன்;

யாசகனின் பரிசு வாடிவிடும்;
உங்கள் புன்னகையோ என்றுமே
எனக்குள் பூத்துக்கொண்டிருக்கும்.

யாசகம் கேட்பது தவறுதான்;
அமைதியாக இருந்திருந்தால் நீயே புன்னகைத்திருக்க கூடும்…

- சிசு...

by **வ.வனிதா** Fri Jan 28, 2011 6:38 pm

சிசு மிகவும் அருமையா எழுதி இருக்கின்றீர் ! அற்புதம் ! ஒரு சோக கீதம் சொக்கி நின்று கவிதையாகிறது உங்களின் எழுதற்றலால் ! வாழ்த்துக்கள் !

by **அரசன்** Fri Jan 28, 2011 6:55 pm

நண்பரே வாழ்த்த வார்த்தைகளே இல்லை ...
நல்ல எழுது நடையில் அற்புதமாய் கவி பாடிருக்கின்றீர் ...
வாழ்த்துக்கள் .... தொடர்ந்து உங்களின் படைப்புகளை எதிர்நோக்கும்
யாசகனாய் அரசன்

by **நிலாமதி** Fri Jan 28, 2011 7:54 pm

மிக மிக அருமை .............. :héhé:

by **சிசு** Fri Jan 28, 2011 8:22 pm

உங்களின் ஊக்கம் என்னை மேன்மேலும் உற்சாகப்படுத்துகிறது... இந்த கவிதையைப் பதிவிட சற்றே தயங்கினேன்... காரணம் எனக்கும் தெரியாது. ஆனால் தயக்கம் இருந்தது.
உங்களின் வரவேற்பு என் தயக்கத்தை தவறென நிரூபித்துவிட்டது.

நன்றி வனிதா.
நன்றி அரசன்.
நன்றி நிலாமதி.

by **செய்தாலி** Fri Jan 28, 2011 8:31 pm

சிறந்த அற்புதமான கவிதை வரிகளின் கோர்வை அருமை
வரிகளில் யாசகனின் வாழ்கையின் நிஜங்களின் நிழல்கள்

பாராட்டுக்கள் நண்பா

by **சிசு** Fri Jan 28, 2011 8:43 pm

நன்றி சேக்காளி...

by **கவிக்காதலன்** Sat Jan 29, 2011 4:00 am

கவிதை அருமையாக உள்ளது!!!

by **சிசு** Sat Jan 29, 2011 3:21 pm

நன்றி கவிக்கா...

மீண்டும் கலக்கீட்டீங்க தலைவரே... தொடருங்கள் உங்கள் கலக்கலை

by **சிசு** Sat Jan 29, 2011 5:39 pm

யூஜின்...

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

நான் ஒரு யாசகன்

நான் ஒரு யாசகன்

Re: நான் ஒரு யாசகன்

Re: நான் ஒரு யாசகன்

Re: நான் ஒரு யாசகன்

Re: நான் ஒரு யாசகன்

Re: நான் ஒரு யாசகன்

Re: நான் ஒரு யாசகன்

Re: நான் ஒரு யாசகன்

Re: நான் ஒரு யாசகன்

Re: நான் ஒரு யாசகன்

Re: நான் ஒரு யாசகன்

Re: நான் ஒரு யாசகன்