உன் கைகளில் .....

by **வ.வனிதா** Tue Feb 01, 2011 12:55 pm

[You must be registered and logged in to see this image.]
ஈராயிரம் யுகமான
என்னிருபது நாட்கள்
கொஞ்சம் கொஞ்சமாய்
என் உயிரைக் குடித்துக்
கொண்டிருக்கின்றன.....

புகைப்படத்தில் புன்னகைத்த
உன்னை யார்க்கும் தெரியாமல்
களவாட வைத்தது
உன் புன்னகை.....
காத்துக் கொண்டே இருக்கின்றேன்
காரணமில்லாமல்....
அலுவலகத் தொலைபேசி
அழைத்தாலும் நீயாக இருப்பாயோ
என்றெடுத்து ஏமார்ந்தும் போகிறேன்....!

பேச நேரமற்று நீயிருக்க ,
பேசுவதற்கென்றே நேரம்
ஒதுக்கக் காத்திருக்கின்றேன்
காரணமில்லாமல்.....

நிச்சயத்தன்று உன்னிதழ்
சிந்திய இன்சொற்கள் தான்
இன்றென் நினைவுப் பசிக்கு
உணவளித்து வருகின்றன....

எந்நேரமும் ஏக்கத்தோடு
எதிர்பார்த்துக் கொண்டிருக்கிறேன்,
என் கைகளை உன் கைகளில்
தாரைவார்த்துக் கொடுக்கும்
தருணத்திற்காக .......!

by **சிசு** Tue Feb 01, 2011 2:31 pm

மெல்லிய உணர்வுகளை வார்த்தைகளில் வடித்து விட்டீர்கள் வனிதா...
அருமை. வாழ்த்துகள்.

by **செய்தாலி** Tue Feb 01, 2011 2:41 pm

வரிகளில் தெரிகிறது உங்களின் ஆழ்மனதில் தளிரிடும் காதல்
உங்கள் காதல் மலர் மலர்ந்து உங்களின் மணவாழ்க்கையில் நறுமணம் வீசட்டும்

[quote="செய்தாலி"]வரிகளில் தெரிகிறது உங்களின் ஆழ்மனதில் தளிரிடும் காதல் குஓட்டே
//எந்நேரமும் ஏக்கத்தோடு
எதிர்பார்த்துக் கொண்டிருக்கிறேன்,
என் கைகளை உன் கைகளில்
தாரைவார்த்துக் கொடுக்கும்
தருணத்திற்காக .......!//

கொஞ்சம் பொருத்திருங்கள் விரைவில் கிடைக்கும்..