எழுச்சியின் தொடக்கம் செம்மொழி மாநாடு
சிங்கை டாக்டர் மா.தியாகராசன்
[You must be registered and logged in to see this link.]



கோவையில் அண்மையில்
கோலமிகு மாநாடு!

மாநாட்டுப் பந்தல் அமைப்பில் செம்மை!
மாநாட்டில் பாதுகாப்புப் பணிகள் செம்மை!
பலஇலட்சம் தமிழர்கள் கூடிய போதும்
வரவேற்பில் செம்மை!
வசதிகளில் செம்மை!

மாநாட்டில் இனியவை நாற்பது
ஊர்வலம் செம்மை!

ஆய்வரங்க ஆய்வுரைகள்
அனைத்தும் செம்மை!

கருத்தரங்க உரைகள்
கவின்மிகு செம்மை!

கவியரங்கம் செம்மை!
பட்டிமன்றம் செம்மை!

கலைநிகழ்ச்சிகள் எல்லாம் செம்மை!
தொடக்கமும் செம்மை
நிறைவும் செம்மை
செம்மை! செம்மையைத் தவிர
வேறு ஒன்றும் இல்லை
ஏனென்றால்
கோவையில் நிகழ்ந்தது உலகத் தமிழ் மாநாடு அன்று
உலகச் செம்மொழித் தமிழ் மாநாடு!
கோவையில் மாநாடு நிகழ்ந்தது-என்பது தவறு
கோவையே மா, நாடாய்த் திகழ்ந்தது-என்பதே சரி!

கோவை மாநகரில்,
முத்தமிழ் அறிஞர் முதல்வரும்
மற்றைய அமைச்சர் அனைவரும்
சட்டமன்ற நாடாளுமன்ற உறுப்பினர்களும்

பல்வேறு இயக்கத் தலைவர்களும்
கலைத்துறை கல்வித்துறை
ஆட்சித்துறை என அனைத்துதுறை
அறிஞர்களும்-நிர்வாகிகளும்
வெள்ளம் போல் தமிழ் மக்களும்
இவற்றுக்கெல்லாம் சிகரமாய்
இந்தியக் குடியரசுத் தலைவரும்
கூடியதால் அது, மா, நாடானது!
கோவையில் மாநாடு நிகழ்ந்தது-என்பது தவறு
கோவையே மா நாடாய்த் திகழ்ந்து-என்பதே சரி!


வேதம் முழங்கும் வேள்விகள் செய்யாமல்,
காட்டுக்கு ஓடிக்கடுந்தவம் இயற்றாமல்
பரமனருள் நாடிப் பக்தியிலே மூழ்காமல்
வீட்டுலகம் வாய்க்காது! இம்
மண்ணுலகில் விண்ணுலக
மகிழ்வு எய்த முடியாது
என்போல் கூற்று,
கோவையில் தோற்றது!
வானுலக இன்பமெல்லாம்

கோவை மாநாட்டில்
மண்ணுலகில் வந்ததனைக்
கண்டு மகிழ்ந்தேன்

கோவையில் கொடி கட்டி விழா நடந்த
கொடீசியா வளாகத்தில் நான் கண்டேன்!
ஐந்து நாட்களும் அமுது பொழிய
கோவைநகல்-தேவ நகர் ஆனது!


“தெள்ளுற்ற தமிழமுதின் சுவைகண்டார்
இங்கமார் சிறப்புக் கண்டார் என்று முழங்கிய நம்
பாட்டன் பாரதியின் பாடல் வரிகளின், பொருளைக்
கோவைதான் புரிய வைத்தது!

கோவையில்,

தமிழ்வாணர் நிகழ்த்திய வாணவேடிக்கையாய்,
கவியரங்கப் பூவாணம் கவினாய்ப் பூச்க்ஷசுழரி•
பட்டிமன்ற அதிர்வெடிகள் பாங்காய் முழங்க,
கருத்தரங்கச் சரவெடிகள் தடதட வென வெடிக்க,
ஆய்வரங்கம் மங்கள இசை வழங்க
பண்டைக் கலை நிகழ்ச்சி வண்ண விளக்கொளியில்
அன்னைத் தமிழ்த்தெய்வம் அழகாய்ப் பவனி வர
காலையில் ஒரு விழா, பெருவிழா
திருவிழா நிகழ்ந்தது! அதனைக் கண்டு என்
நெஞ்சம் நெகிழ்ந்து!

தன் மக்கள்
உண்டு மகிழ்வதைரக்
கண்டு மகிழ்பவள் தாய்! வகைவகையாய் உணவுகளைத்
தந்து மகிழ்பவள் தாய்!

அதனால்தான்
கோவையில் தன்விழாவைக் காணவந்த
தன்மக்களுக்கு-பல இலட்சம் மக்களுக்கு
அன்னை அளித்தாள் அமுத உணவு
ஐந்து நாட்களும்-அனைத்துத் வேளையும்
மாநாட்டுக்கு வந்தோர்

வகை வகையான - சுவைமிக்க உணவுகளை
வயிறு நிறைய-மனம் நிறைய
உண்டார்கள்! பெருமகிழ்வு
கொண்டார்கள்!

மாநாட்டில் அப்படி ஓர் உணவு ஏற்பாடு!
அதனால் மாநாடு அது என்பது மறந்து போனது!
அதுநம் தாய் வீடு என்னும் நினைவே நிலைத்தது!

தமிழர் அனைவர்க்கும் ஒரேதாய் தமிழ்தான் என்பதை
மாநாட்டில் அன்னை காட்டி விட்டாள்! - தாய்மை அன்பை
நாட்டி விட்டாள்.
எல்லா வகையிலும்
செம்மொழி மாநாடு
வெற்றி மாநாடாக விளங்கித் திகழ்ந்தது!

அங்கே
டிசாதிப்பற்று
டிசமயப்பற்று
அவரவர் தனித்தனிக்
கட்சிப்பற்று
அனைத்துப் பற்றும் அற்றுப்போக

ஒரே பற்றாய்,
தமிழ்ப்பற்று மட்டுமே- அங்கே
தலை நிமிர்ந்து நின்றது!
இப்படி, செம்மொழி மாநாடு
செம்மையாய் முடிந்தது! முடிந்தது என்பதே தவறு
முடிவல்ல-அது தொடக்கம்
இனிதமிழ் பெறப்போகும் வெற்றிகளுக்கெல்லாம் அது
தொடக்கம்! இனி, தமிழின் வரலாற்றுப்
பதிவேட்டில் வெற்றிகள் மட்டுமே
வரவு கணக்காக வளர உள்ளது
இரவே வாராத இன்னொரு விடியல்
புலர உள்ளது!

நல்ல நடை... தமிழ் செறிந்த கவிதை.... பாராட்டுகள்...

ஒரு பகிர்தல்:
உங்கள் பார்வையில் இது வெற்றி மாநாடு. என் பார்வையில் "கட்சி" மாநாடு.
"தமிழின் வரலாற்றுப் பதிவேட்டில் வெற்றிகள் மட்டுமே வரவு கணக்காக வளர உள்ளது..." சரிதான். தமிழனின், தமிழினத்தின் பதிவேட்டில்...????

C-Su wrote:நல்ல நடை... தமிழ் செறிந்த கவிதை.... பாராட்டுகள்...

ஒரு பகிர்தல்:
உங்கள் பார்வையில் இது வெற்றி மாநாடு. என் பார்வையில் "கட்சி" மாநாடு.
"தமிழின் வரலாற்றுப் பதிவேட்டில் வெற்றிகள் மட்டுமே வரவு கணக்காக வளர உள்ளது..." சரிதான். தமிழனின், தமிழினத்தின் பதிவேட்டில்...????

அதே தான்...!!! கட்சி மாநாடுதான்!!!