சீர்மை மலிந்த செம்மொழி மாநாடு
சிங்கை டாக்டர் மா.தியாகராசன்
[You must be registered and logged in to see this link.]



இரண்டாயிரத்துப் பத்து
சூன்திங்கள் இருபத்தி மூன்று!

விந்தை ஒன்று
வியனுலகில் நிகழ்ந்ததம்மா! நிகழ்ந்தது!

ஆம்!

தாய்மொழிக்கு விழாவெடுத்த
சேய்மகனைக் கண்டேனம்மா!

மொழிக்கு விழாவெடுத்த
முதல்மக்கள் கண்டேனம்மா!

செம்மொழி என்னும்
சீர்மிகு மகுடந்தனை
ஏற்றதமிழ் அன்னைக்கு
ஈன்றெடுத்த குழந்தைகள்
எண்ணி எண்ணி
எடுத்திட்ட விழாவினை
இதயம் உவப்பக்
கண்டேனம்மா! கண்டேனம்மா!

ஒருநூறு ஆண்டுகளின்
ஓயாத போராட்டத்தின்
வெற்றிப் பேரிகை
கொட்டிய பெருவிழா!



உலகத்துத் தமிழர்கள்
ஒன்பது கோடியோர்
ஒருகுடையின் கீழே
மனமொத்து எடுத்தவிழா!


பரிதிமாற் கலைஞர்
எடுத்து வைத்த விளக்கினை
முத்துவேல் கலைஞர்
ஏற்றி வைத்த விதம் கண்டேன்!

திக்கெல்லாம் தமிழ்ப் பேச்சே!
திசையெல்லாம் தமிழ் முழக்கமே!
கேட்டேனம்மா கேட்டேன்!
கேட்க இருசெவி போதாமல்
திணித்துத் திணித்துக் கேட்டேனம்மா!

எங்கும் தமிழே!
தமிழ்! தமிழ்! தமிழே!
இதயம் வீங்கியது
இன்ப வெள்ளம் நிறைந்ததால்!
புதையல் கண்டவன்போல்
பூரித்ததம்மா மனமே! மனமே!
நரம்பெலாம் புடைத்ததம்மா
நந்ததமிழ் இனிமை கேட்டே!

சங்க காலத் தமிழர்களின்
பங்கம் இல்லா வாழ்க்கையினைப்
பகர்ந்து சான்றாய
நகர்ந்து வந்த
காட்சிகள் தாங்கிய
ஊர்திகளின் பேரணியை
உவகையொடு கண்டேனம்மா!
உள்ளத்தைப் பறிகொடுத்தேனம்மா!

தமிழாய்ந்த பன்னாட்டுச்
சான்றோர் எல்லாம்
அன்னையின் பெருமையினை
அரங்கேறிச் சாற்றச் சாற்ற
வரங்கிடந்து பிறந்தேனோ`
தமிழ் மகனாய் என்றே
உரங்கொண்ட மனத்துடனே
நிமிர்ந்தேனம்மா

பெருந்தமிழ் கற்ற
பிறமொ¡ச் சான்றோடும்
சங்கத் தமிழின்
சால்பினை எடுத்துரைக்க
அன்னையின் மாண்பினை
நானும் அறிந்தே
அகத்தால் மயங்கியே
அவரடி வீழ்ந்தேனம்மா!

தமிழ்இனி மெல்லச் சாகும் எனத்
தருணம் பார்த்திருந்தோர் அனையர்க்கும்
பொலிதமிழ் இனியே
புத்தெழுச்சி பெற்றே
வளரும்! வளரும்! வளருமே
என்பதை உணர்த்திய
இனியதிரு மாநாடு!
கண்டேனம்மா! இருகண் குளிரக்
கண்டேனம்மா!

இதுபோல் இனியொரு நாள்
வாய்க்குமோ? வாய்க்குமோ?

மனங்குளிர வாசித்து முடித்தேன் சார் ரொம்ப அருமையாக உள்ளது உங்கள் வரிகள் அத்தனையும் அன்புபாராட்டுக்கள்