பெண்ணுரிமை -சிங்கை டாக்டர் மா.தியாகராசன்

by **Dr Maa Thyagarajan** Thu Feb 10, 2011 5:58 pm

பெண்ணுரிமை
சிங்கை டாக்டர் மா.தியாகராசன்[/b][You must be registered and logged in to see this link.]

மண்ணுக்கு மாதரே
மாபெரும் செல்வம்!
இருட்டில் வசிக்க
எவ்வுயிர் விரும்பும்?
விட்டில் விளக்காய்
முன்னோர்
பரணியிலிட்ட
பழைய விளக்காய்
அறிவைச் சூன்யப்படுத்தி
அடைத்து வைத்த
கொடுமைதான் என்னே?

ஆணுக்குச் சுகமூட்டி
அரை வயிராய் பிறை வயிராய்
அல்லாடி.. .. .. ..
நிறை வயிராய் ஆக்கி
எறும்பின் தலையில்
கொள்ளியாய் .. .. .. ..
ஈக்களின் தலையில்
மலையாய் .. .. .. ..
இட்ட காலம்
மலையேறி வீழ்ந்து
மாண்டு போனது!

ஆண்ட மன்னருக்கு
ஐம்பதாயிரம் மனைவியாம்
என்ன கொடுமை இது?
இது புனைந்து சொல்லும்
கற்பனையன்று, கல்வெட்டு!
சரித்திரம் பேசும்
தரித்திர உண்மைகள்!

பொரியாரும், பாரதியும்
திரு.வி.க வும், தாசனும்
பிறவாது போயிருப்பின்
விடுதலை பெற்றிருப்பரோ பெண்டிர்?

குன்றை முட்டிய அந்தக் குருவி மாந்தர்இன்று
கன்றை இழந்த பசுபோல்
காய்ந்து வீழ்ந்து கருகிப் போயினர்!

இன்று
கல்வியில் விளையாட்டில்
கற்பனை புனைவதில்
கதை பாட்டுப் போச்சில்
எண்ணில் எழுத்தில்
இயந்திரம் இயக்குவதில்!
ஏன் ஆட்சி செய்யும் திறனில்
ஆ.. .. .. .. .. .. .. ..

எத்தனை உயர்வு!
உரிமை என்பது
உயர்வின் அடிப்படை!
அடிப்படை பெண்ணிற்கு
அறவே இல்லையென்போரை
எடுத்துச் சுடு!
நிறுத்திக் கொல்!
துரத்து அவரைத் தூர ஓடட்டும்!

பெண்ணுரிமை பேசும்
மேடை வாசிகள் .. .. .. .. .. .. .. ..
அறையில் பெண்களை அடிமை செய்தால்
ஒடி அவரிடுப்பை!

பெண்ணே!
நீ அழுதது போதும்
அற்பர்களைத் தொழுதது
போதும்!
எழு! ஏடு!
தொடு! வெற்றி உனதே!
விரைக! விரைக!

சிங்கை டாக்டர் மா.தியாகராசன்
[You must be registered and logged in to see this link.]

by **வ.வனிதா** Thu Feb 10, 2011 6:02 pm

அடடா அருமை நண்பரே ! மிகவும் அருமை ! பெண்ணினத்திற்கு பெருமை தரும் வரிகள் ! எழுச்சியூட்டும் வரிகள் அனைத்தும் அருமை !

by **Dr Maa Thyagarajan** Thu Feb 10, 2011 6:05 pm

உங்களின் இனிமையான வாழ்த்துக்கு நன்றி
மிக்க நன்றி!
அன்புடன்
சிங்கை டாக்டர் மா.தியாகராசன்

க.வனிதா wrote:அடடா அருமை நண்பரே ! மிகவும் அருமை ! பெண்ணினத்திற்கு பெருமை தரும் வரிகள் ! எழுச்சியூட்டும் வரிகள் அனைத்தும் அருமை !

by **அ.இராமநாதன்** Thu Feb 10, 2011 10:45 pm

அறையில் பெண்களை அடிமை செய்தால்
ஒடி அவரிடுப்பை!
--
அருமையான கவிதை...
இங்கே பெண்ணுக்கு பெண்ணேதான் எதிரி என்பதை மறுக்க இயலாது..
--
முனைவர் மு.பழனியப்பன் வலைப்பூவில் படித்த புதுக் கவிதை - (பகிர்வுக்காக)
========================================
மழலையாய்த் தவழ்கையில்
நாலெட்டு வைக்கையில்
கைதட்டி ஆர்ப்பரித்தாள் அம்மா.

வளர்ந்த பருவம் தாண்டுகையில்
விளையாடி முடித்து வீடு நுழைந்தவளை
வெளியில் போனால்
காலை உடைப்பேன் என்கிறாள்

மலரத் துடிக்கையில்
வேரில் வெந்நீர்.

>பரமேசுவரி

==================================

என்றோ ஒருநாள்
அருகருகே அமர்ந்து
அவசரமில்லாமல் சாப்பிட்டுவர
விருந்துக்கு வந்தால்
ஆண் பந்தி முந்தி என்று
அங்கேயும்
காத்திருக்கச் சொல்கிறீர்கள்.

>வெண்ணிலா

==================================

புதுயுகப் பெண்கள் நாங்கள்
கேள்விகள் கேட்போம்
கொடி பிடிப்போம்
கோசம் போடுவோம்
வலித்துக் கதறுவோம்
புன்னகையோடு
கீழ்ப்படிவோம்

>கனிமொழி

==================================

பெண்கள் தங்களின் சுயமான காலில் சுயமான சிந்தனையில் சுயமான
வாழ்வில் இயங்கும் காலம் வெகு விரைவில் வரவேண்டும் என வாழ்த்துவோம்..!

-
விமரிசங்கள் ஆக்க பூர்வமாக, விரிவாக இருத்தல் நலம் என்று
படித்ததால் ஒரு நீண்ட விமரிசனம்...

இது எப்படி இருக்கு..!?
====================================
அன்புடன்
அ.இராமநாதன்