ஆசிரியர் - சிங்கை டாக்டர் மா.தியாகராசன்

by **Dr Maa Thyagarajan** Sat Mar 05, 2011 2:03 pm

ஆசிரியர் - சிங்கை டாக்டர் மா.தியாகராசன்
[You must be registered and logged in to see this link.]

கொள்ளிக்கு இவர் போகும் காலம் மட்டும்.....
சொல்லிக் கொடுப்பதே தொழில்!
அவர்...........
கண்ணையும் கருத்தையும் மெல்லத்திறக்கும் கடவுள்!
செவிக்கு உணவிட்டுச் சிந்தனையைச் சீர்செய்யும் நல்லார்!
அவரது அடிகள் வாழ்வின் படிகள்!

நான் கம்பனையும் கூத்தனையும் கவிஇளங்கோ வள்ளுவனைக்
கண்டிருக்க மாட்டேன் அவர் இன்றி !
அடடா!
அன்று மண்ணில் எழுதி.....
மண்டையில் குட்டி........
தொண்டை கிழிய கத்திச் சொன்னாரே பாடம்!

பகுத்தறிவு! பலமிக்க சிந்தனைகள்!
இல்லாது போயிருப்பின் ஏதெனக்கு அறிவு!
ஆற்றல்! திறமை! அறிவொளி!
சென்றவிடமெல்லாம் சீர்படவைத்த வல்லார்
என் ஆசான்!

தாகம் தீர்க்கிறது, தூய்மை செய்கிறது, தண்ணீர்!
அறிவைக் கொடுத்து ஆற்றலை மேம்படுத்துகிறது ஆசானின் மொழி!

உலகத்தை உயர்த்திவிட்டு; தாழ்வில் நிற்கும் கடவுள்!
தாழ்விலும் உயர்ந்து நிற்கும் வாமனக் கடவுள்!

அள்ளிக்கொடுத்து அமுதமிட்டு
அன்னை வளர்த்தாள் வயிறை!

ஆசானோ!
சொல்லிக்கொடுத்துக் காதைக்
கிள்ளிக் கொடுத்து வளர்த்தார் அறிவை!

எழுத்து
சிங்கை டாக்டர் மா.தியாகராசன்
27A, கான்வே சர்க்கிள்
சிங்கப்பூர் 558286

அள்ளிக்கொடுத்து அமுதமிட்டு
அன்னை வளர்த்தாள் வயிறை!

வரிகள் அனைத்தும் அருமை பாராட்டுக்கள் முனைவரே..

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஆசிரியர் - சிங்கை டாக்டர் மா.தியாகராசன்

ஆசிரியர் - சிங்கை டாக்டர் மா.தியாகராசன்

Re: ஆசிரியர் - சிங்கை டாக்டர் மா.தியாகராசன்