எய்ட்ஸ்
டாக்டர். மா. தியாகராசன்
[You must be registered and logged in to see this link.]


இன்பத்தின் வழியாகத்
துன்பத்த் தொடங்கும்
திறவுகோல்!

தூய்மை வாழ்வைத்
துளைக்கின்ற
கொடுங்கருவி !

உதிக்கும் குழந்தைக்கும் நோயை
ஊட்டிவிடும்
மாற்றாந் தாய்!

தான்பெற்ற நோய்
பெறுக இவ்வையகம் என்று
புதுக்கவி தீட்டும்
புற்றுப்பாம்பு !

பேச்சிலும் மூச்சிலும்
நோயின் வீச்சை வீசும்
விடத் தீச்சுடர்!

ஒவ்வாத பெண்ணும் ஒப்பாத ஆணும்
தப்பான வாழ்வின்
தடத்தில் உதித்தது !

உலகை மிரட்டும் ஒருதலைப்பாம்பு
வாழ்வுக் கலையை அழிக்கின்ற
கலவியின் ஆயுதம் !

மனிதச் சமுதாயம் மண்வழி செல்ல
புண் வழி அமைக்கும்
புணர்ச்சி நாயகன் !

உடலை அடக்கும் கொடு வண்டு
நம்மைச் சுடலை அனுப்பும்
உயிர் விண்டு !

உடலின் திமிரால்
உடுத்திக் கொண்ட
முள்ளாடை !

புடவைச் சுகத்தால்
பூத்திட்ட புதுநோய் !

மனிதகுலம் அழிக்க வந்த
மாயமாரிசன் !

குணப்பண்பைக் கொன்றிடும்
கொடுங்கோல் வேந்தன் !

எமன் உலகத்தின்
இஷ்டமிக்க ஒருதெய்வம் !

கருவை அழிக்கின்ற
காமத்தின் கரிய அரக்கன்!

தீமைத் தீயின் ஆதித் தெய்வம்
ஊழித் தீயின்
உருவழிக்கும் கோட்டம் !

கூடாச் §ºர்க்கையின் நாடாப் பகைவன்
குலத்தைக் கொல்லும்
பலத்த விரோதி !
ஊ ல் பழுத்து உலகைக் கெடுக்கும்
வேரில் பழுத்த
நச்சுப்பலா !

ஒழுக்கக் கேட்டின் சறுக்கல் பாட்டு
உயிரைப் போக்கும்
எமனின் சீட்டு !

இருக்கும் உயிரை நறுக்கும் கத்தி
பெருகும் நோய்க்குக்
கொடுக்கும் சக்தி !

வில்லெடுத்த ராமனையும்
சொல்லெடுத்த கம்பனையும்
கல்லெடுத்த (அனுமன்) பக்தனையும்
கலங்க வைக்கும்
சக்தி கொண்டது !

தூயமலர்
மனைவிக்கு மட்டும்
நீ
தேன் வண்டாய்ச் சிறகடி போதும்!
உன்னைக் கண்டு
ஒதுங்கும்!ஓடிவிடும்!
ஒழிந்து விடும்!


%%%%%%%%% முற்றும் %%%%%%%%%
எழுத்து
டாக்டர். மா. தியாகராசன்
27A, கான்வே சர்க்கிள்
சிங்கப்பூர் 558286

//ஒழுக்கக் கேட்டின் சறுக்கல் பாட்டு
உயிரைப் போக்கும்
எமனின் சீட்டு !//

உண்மை வரிகளுக்கு பாராட்டுக்கள்..

சமூக சிந்தனையுடன் கூடிய வரிகள் அனைத்துமே...

அனைத்தும் அருமை...!