பயணிகள் கப்பலில் தீப்பிடித்தது 249 பேர் உயிர் தப்பினர்

by **சூரியன்** Sun Oct 10, 2010 1:57 pm

லிதுவேனியா நாட்டை சேர்ந்த ஒரு பயணிகள் கப்பல் ஜெர்மனியில் உள்ள கீல் துறைமுகத்தில் இருந்து கிளைமீடியா நகருக்கு புறப்பட்டு சென்றது. இதில் 249 பேர் பயணம் செய்தனர். நேற்று இரவு ஜெர்மனியில் உள்ள பால்டிக் கடல் பகுதியில் சென்றபோது கப்பலின் மேல் தளத்தில் திடீரென தீப்பிடித்தது. காற்று அதிவேகமாக வீசியதால் தீ மளமளவென வேகமாக பரவியது.

இது குறித்து ஜெர்மனியில் உள்ள துறைமுக அதிகாரி களுக்கு தகவல் தெரிவிக்கப்பட்டது. இதை தொடர்ந்து மீட்பு பணி முடுக்கி விடப்பட்டது. தீயை அணைக்கும் பணியில் தீயணைப்பு கப்பல்கள் ஈடுபடுத்தப்பட்டன. அவை விரைந்து சென்று தீயை அணைக்கும் பணியில் ஈடுபட்டன. மேலும் பயணிகளை மீட்க 6 சிறிய கப்பல்கள் அனுப்பப்பட்டன.

மேலும், ஹெலிகாப்டரும் அனுப்பப்பட்டது. இதனால் முதல் தளத்தில் பிடித்த தீ மேலும் பரவாமல் தடுக்கப்பட்டது. இதை தொடர்ந்து கப்பலில் பயணம் செய்த 249 பேரும் உயிருடன் மீட்கப்பட்டனர்.

இதற்கிடையே, இந்த தீ விபத்தில் 26 பேருக்கு லேசான காயம் ஏற்பட்டது. அவர்கள் அனைவரும் ஹெலி காப்டர் மூலம் ஜெர்மனியில் உள்ள ஆஸ்பத்திரிக்கு அனுப்பி வைக்கப்பட்டனர். அங்கு அவர்களுக்கு தீவிர சிகிச்சை அளிக்கப்படுகிறது.

தொழில்நுட்ப கோளாறே தீ விபத்துக்கு காரணம் என கூறப்படுகிறது. விபத்துக்குள் ளான கப்பல் 650 அடி நீளம் உடையது. தகுந்த நேரத்தில் தீயணைப்பு கப்பல்கள் சென்று தண்ணீரை பீய்ச்சி அடித்து தீயை அணைத்ததால் பெரும் விபத்து தவிர்க்கப்பட்டதாக ஜெர்மனி கப்பல் படை அதிகாரிகள் தெரிவித்தனர்.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

பயணிகள் கப்பலில் தீப்பிடித்தது 249 பேர் உயிர் தப்பினர்

பயணிகள் கப்பலில் தீப்பிடித்தது 249 பேர் உயிர் தப்பினர்