பள்ளியில் இடி விழுந்ததால், மரக்கிளை முறிந்து விழுந்தது. இதனால் மதியம் நடைபெற இருந்த தேர்வு ரத்து செய்யப்பட்டது.

புதுக்கோட்டை மாவட்டம் ஆலங்குடி பகுதியில் இடி, மின்னலுடன் கடும் மழை பெய்தது.

மழவராயன்பட்டி ஊராட்சி ஒன்றிய தொடக்கப் பள்ளி மாணவர்கள் மதிய உணவு சாப்பிட்ட பின்பு அருகிலுள்ள தண்ணீர் தொட்டிக்கு கை கழுவ சென்றனர்.

அப்போது, பள்ளி வளாகத்தில் இருந்த பன்னீர்மரத்தில் திடீரென இடி தாக்கியது. இதில் ஒரு கிளை முறிந்து விழுந்தது. ஆனால், அதிர்ஷ்டவசமாக மாணவர்கள் யாருக்கும் காயம் ஏற்படவில்லை.

இடி தாக்கியதால் நடைபெறை இருந்த தேர்வை மறு நாளைக்கு பள்ளி நிர்வாகம் தள்ளி வைத்து உத்தரவிட்டது.

பள்ளியில் இடி தாக்கிய சம்பவம் அறிந்த அப் பகுதி மக்கள் அங்கு ஏறாளனமோர் குவிந்து விட்டனர். அவர்கள் தங்கள் குழந்தைகளை மிகவும் பாதுகாப்பாக அழைத்துச் சென்றனர்.

இது குறித்து சமூக ஆர்வலர்கள் சிலர் கூறுகையில்,

தமிழகத்தில் அரசு பள்ளிகள் மட்டும் இன்றி தனியாருக்கு சொந்தமான பல பள்ளி, கல்லூரிகள் செயல்பட்டு வருகின்றது. இதில் ஏறாளமான மாணவ மாணவிகள் படித்து வருகின்றனர். மாணவர்கள் தான் நாட்டின் வருங்கால செல்வங்கள். அவர்களை பாதுகாக்கும் பொறுப்பு அரசுக்கு உண்டு. எனவே, அரசு மற்றும் தனியார் பள்ளிகளில் கட்டாயம் இடி தாங்கி பொறுத்த வேண்டும் என உத்தரவிட வேண்டும். அவ்வாறு செய்யாத பள்ளி நிர்வாகம் மீது அரசு தயவு தாட்சன்யம் இன்றி நடவடிக்கை எடுக்க வேண்டும். அவ்வாறு செய்தால் தான் எதிர் காலத்தில் மனித உயிர் இழப்புகளை தடுக்கலாம். அதை விடுத்து ஒரு துயரம் நடைபெற்ற பிறகு நடவடிக்கையில் இறங்குவது காலம் தாழ்த்திய செயல். இதனால் அரசுக்கு கெட்ட பெயரும், பொது மக்களுக்கு பெரும் பாதிப்பு ஏற்படும் என்கின்றனர்.

தமிழ அரசு உரிய நடவடிக்கை எடுக்குமா ?

நன்றி தமிழ் சி என் என்