ஹெலிகாப்டர் விழுந்து நொறுங்கியது உயிர் தப்பினார் மகாராஷ்டிரா முதல்வர்

by **அ.இராமநாதன்** Fri May 26, 2017 7:18 am

[You must be registered and logged in to see this image.]
-
மும்பை:
மகாராஷ்டிரா முதல்வர் தேவேந்திர பட்நவிஸ் சென்ற
ஹெலிகாப்டர் நேற்று லத்தூர் அருகே அவசரமாக
தரையிறங்கும்போது மோதி நொறுங்கியது.

இந்த சம்பவத்தில் முதல்வரும் அவருடன் சென்ற அதிகாரிகளும்
அதிருஷ்டவசமாக உயிர் தப்பினர். மகாராஷ்டிரா மாநிலம்
முழுவதும் உள்ள விவசாயிகளை நேரில் சந்தித்து குறைகளை
கேட்டறிவதற்காக பாஜ கட்சி ‘ஷிவார் சம்வாத் சபா’ என்ற
பிரசாரத்தை தொடங்கி இருக்கிறது.

இதனையொட்டி அம்மாநில முதல்வர் பட்நவிஸ் வறட்சி பாதித்த
மராத்வாடா பிராந்தியத்தில் உள்ள லத்தூருக்கு நேற்று
முன்தினம் சென்றார். அங்கு விவசாயிகளை சந்தித்துவிட்டு
நேற்று மதியம் 12 மணிக்கு ஹெலிகாப்டரில் மும்பைக்கு
புறப்பட்டார்.

அந்த ஹெலிகாப்டரில் முதல்வர் பட்நவிஸ், அதிகாரிகள் குழு
மற்றும் இரண்டு விமான சிப்பந்திகள் உட்பட மொத்தம் 6 பேர்
இருந்தனர். ஹெலிகாப்டர் புறப்பட்ட சிறிது நேரத்தில் வானிலை
மிகவும் மோசமாக இருப்பதை உணர்ந்த பைலட் அதை அவசரமாக
தரையிறக்கினார்.

நிலங்கா என்ற இடத்தில் ஹெலிகாப்டர் இறங்கும்போது
மின்சார வயர்களில் சிக்கியபடி கீழே விழுந்து நொறுங்கியது.
முதல்வரும் அதிகாரிகளும் இந்த விபத்தில் காயமின்றி தப்பினர்.

முதல்வர் பட்நவிஸ் இந்த விபத்து தொடர்பாக உடனடியாக
டிவிட்டரில் செய்தி வெளியிட்டார். அதில், “லத்தூரில் நாங்கள்
சென்ற ஹெலிகாப்டர் விபத்துக்குள்ளானது.

நானும் எனது குழுவினரும் பத்திரமாக உள்ளோம். யாரும்
கவலைப்பட வேண்டாம்” என்று கூறியிருக்கிறார். முதல்வர்

பட்நவிஸ் பின்னர் நிலங்காவில் செய்தியாளர்களிடம் பேசும்போது,
“மகாராஷ்டிராவில் உள்ள 11 கோடி மக்களின் ஆசியால் நான்
பத்திரமாக இருக்கிறேன். எனது மீடியா ஆலோசகர் கேத்தன் பதக்
மட்டும் லேசான காயமடைந்தார். பைலட்டுக்கும் பெரிய அளவில்
காயம் ஏற்படவில்லை. நாங்கள் வந்தது புதிய ஹெலிகாப்டர்தான்.
இந்த சம்பவம் குறித்து போலீசிடம் தகவல் கோரியுள்ளோம்”
என்று கூறினார்.

சிவில் விமான போக்குவரத்து அமைச்சகம் இந்த விபத்து குறித்து
விசாரணை நடத்தும் என்று அறிவித்துள்ளது.
-
-------------------
தினகரன்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஹெலிகாப்டர் விழுந்து நொறுங்கியது உயிர் தப்பினார் மகாராஷ்டிரா முதல்வர்

ஹெலிகாப்டர் விழுந்து நொறுங்கியது உயிர் தப்பினார் மகாராஷ்டிரா முதல்வர்