குரானை எரிப்பதாக அறிவிப்பு செய்த அமெரிக்க பாதிரியாருக்கு எதிர்ப்பு தெரிவித்ததற்கு நன்றி தெரிவிக்கும் முகமாக, ஈரான் அதிபர் அஹமத் நிஜாத், போப் 16 வது பெனிடிக்ட் அவர்களுக்கு கடிதம் எழுதியுள்ளதாக வாடிகன் மற்றும் ஈரானின் அதிகார வட்டங்கள் தெரிவிகின்றன.


--------------------------------------------------------------------------------

வாராந்திர பொது சந்திப்பிற்குப் பின் ஈரானின் துணை அதிபருடன் நடந்த ஒரு சிறிய சந்திப்பின் போது கடிதம் தரப்பட்டதாக வாடிகன் நகர செய்திதொடர்பாளர் தெரிவித்தார். ஆனால் அக்கடிதத்தில் என்ன உள்ளது என்று அவர் கூறவில்லை.

9 /11 நினைவு தினத்தை முன்னிட்டு குரானை எரிக்கபோவதாக கூறிய பாதிரியாரின் அறிவற்ற செயலைப் போப் மற்றும் பல்வேறு கிறிஸ்துவ குருமார்கள் கண்டனம் தெரிவித்து அவர் அந்த அறிவிப்பை திரும்பப்பெறுமாறு வலியுறுத்தினர். தொடர்ந்து குரானை எரிக்கும் திட்டம் கைவிடப்பட்டது. இதற்கு நன்றி தெரிவிக்கும் விதமாகவே அதிபர் கடிதம் எழுதி இருப்பதாக ஈரானின் அதிகாரப்பூர்வ இணைய தளம் தெரிவிகின்றது.

இது போன்ற செயல்பாடுகளை தடுக்க அனைத்து மதங்களுக்குமிடையே ஒரு சரியான ஒத்துழைப்பும் சரியான தகவல் பரிமாற்றமும் தேவை என்றும் அக்கடித்ததில் கூறப்பட்டிருப்பதாக ஈரான் இணையதளம் குறிப்பிட்டுள்ளது.

ஈரான் அதிபரின் இக்கடிதத்திற்குப் போப் பதிலெழுதுவாரா என்பது பற்றி வாடிகன் எந்த விபரமும் அளிக்கவில்லை. ஈரான் அதிபர் போப்பிற்குக் கடிதம் எழுதுவது இது முதல்முறை அல்ல; கடந்த 2006 ல் ஈரானின் அணு ஆராய்ச்சி சம்பந்தமாக ஈரான் மீது ஐ.நா சபையின் பாதுகாப்பு கவுன்சில் விதித்த தடைகளைத் தொடர்ந்து, அதன் விபரமாக ஈரான் அதிபர் போப்பிற்குக் கடிதம் அனுப்பிருந்தார்