உலககோப்பை கிரிக்கெட்: கென்யாவை எளிதில் சுருட்டி நியூசி. வெற்றி

சென்னையில் ஞாயிறு அன்று
நடைபெற்ற உலக கோப்பை கிரிக்கெட் போட்டியின் இரண்டாவது ஆட்டத்தில் கென்யாவை
69 ரன்களில் சுருட்டி நியூசிலாந்தி எளிதில் வெற்றி பெற்றது.

உலக
கோப்பை கிரிக்கெட் போட்டி நேற்று தொடங்கிய நிலையில்,முதல் போட்டியில்
இந்தியா, வங்காளதேச அணிகள் மோதின.இதில் இந்தியா 87 ரன்கள் வித்தியாசத்தில்
அபார வெற்றி பெற்றது.

இந்நிலையில் 2 ஆவது ஆட்டம் சென்னையில் இன்று நடைபெற்றது. இதில் நியூசிலாந்து, கென்யா அணிகள் மோதின.`டாஸ்' வென்ற கென்யா பேட்டிங்கை தேர்வு செய்து களமிறங்கியது.

தொடக்க
வீரர்களாக ஓமாண்டா, வாட்டர்ஸ் ஆகியோர் களம் இறங்கினார்கள்.
நியூசிலாந்தின் பந்து வீச்சுக்கு பயந்து இருவரும் மிகவும் நிதானமாக
ஆடினார்கள்.

இதனால்
5 ஓவர் முடிவில் 9 ரன்களே எடுத்திருந்தனர்.தொடக்க வீரர் ஒமான்டா, 6 ரன்
எடுத்திருந்த போது சவுதி பந்தில் எல்.பி.டபிள்யூ ஆகி ஆட்டம் இழந்தார்.
அப்போது கென்யா ஸ்கோர் 7.2 ஓவரில் ஒரு விக்கெட் இழப்புக்கு 15 ரன்களாக
இருந்தது.

அடுத்து
வாட்டர்ஸூடன் ஒபுயா ஜோடி சேர்ந்தார்.அவர் அதிரடியாக ஆடி, அடுத்தடுத்து 2
பவுண்டரிகள் அடித்தார். சிறிது நேரத்தில் ஒபுயா எல்.பி.டபுள்யூ ஆகி, 14
ரன்களுடன் ஆட்டமிழந்தார்.

அதனைத்
தொடர்ந்து நியூசிலாந்து அணியினர் வீசிய அபார பந்து வீச்சை தாக்கு பிடிக்க
முடியாமல், கென்யா வீரர்கள் அடுத்தடுத்து ஆட்டமிழந்தனர்.

இதனால் கென்யா அணி 23.5 ஓவரில் 69 ரன்களிலேயே அனைத்து விக்கெட்டுகளையும் பறிகொடுத்து ஆட்டமிழந்தது.

இதனையடுத்து
நியூசிலாந்து களமிறங்கியது. 69 ரன்கள் எடுத்தால் வெற்றி என்ற எளிய
இலக்குடன் ஆடத் தொடங்கிய அந்த அணி, 8 ஓவர்களிலேயே விக்கெட் இழப்பின்றி 72
ரன்கள் எடுத்து வெற்றி பெற்றது.

கப்தில் 39 ரன்களுடனும், மெக்கல்லம் 26 ரன்களுடனும் ஆட்டம் இழக்காமல் களத்தில் நின்றனர்.