உலகக் கிண்ணக் கிரிக்கெட் : அவுஸ்திரேலியாவின் வெற்றி வாய்ப்புகள் மீதான ஓர் பார்வை


பிப்ரவரி 19ஆம் தேதி 10-வது உலகக் கோப்பை கிரிக்கெட் போட்டிகள் துவங்குகின்றன. கடந்த 3 உலகக் கோப்பை கிரிக்கெட் தொடரிலும் வென்று ஹேட்ரிக் சாம்பியன்களான அவுஸ்திரேலியா இந்த முறை அதே பலத்துடன் களமிறங்குகிறது என்று கூற இயலாது.
2007ஆம் ஆண்டு உலகக் கோப்பை அணியில் இருந்த வீரர்களில் தற்போது ரிக்கி பாண்டிங், ஷேன் வாட்சன், கிளார்க், மைக் ஹஸ்ஸி, பிரெட் லீ, ஷான் டெய்ட் ஆகியோர்கள் அணியில் உள்ளனர்.

சமீப காலங்களாக அவுஸ்திரேலியா அணி தனது பழைய ஆக்ரோஷத்தையும், வெற்றியத் தவிர வேறு சிந்தனையில்லை என்ற அணுகுமுறையையும் இழந்து வருகிறது.

குறிப்பாக ஆடம் கில்கிறிஸ்ட், மேத்யூ ஹெய்டன் ஆகியோரது அதிரடி துவக்கம் இந்த முறை அவுஸ்திரேலியாவுக்கு இல்லை. அதே போல் கிளென் மெக்ராவின் துவக்க ஓவர்களும் இல்லை.

மேலும் உலகக் கோப்பை கிரிக்கெட்டில் அதிக விக்கெட்டுகளை வீழ்த்தியவர் என்ற சாதனையையும் கிளென் மெக்ரா வைத்துள்ளார்.

அதே போல் பேட்டிங்கில் ரிக்கி பொண்டிங்தான் உலகக் கோப்பை கிரிக்கெட் போட்டிகளில் சச்சின் டெண்டுல்கருக்கு அடுத்த படியாக அதிக ரன்கள் எடுத்தவர் வரிசையில் உள்ளார்.

ஆனால் பலவீனங்கள் இருந்தும் ஒரு அணியாக அவுஸ்திரேலியாவின் உலகக் கோப்பை வெற்றிகளை குறைத்து மதிப்பிட முடியாது. அந்த வகையில் அவுஸ்திரேலியாவின் முந்தைய உலக கோப்பைச் சாதனைகளைப் பார்ப்போம்:

1975 முதல் 2007ஆம் ஆண்டு வரையிலான உலகக் கோப்பை போட்டிகளில் அவுஸ்திரேலியா 69 போட்டிகளில் 51 போட்டிகளில் வெற்றி பெற்றுள்ளது. 17 போட்டிகளில் தோல்வி தழுவியுள்ளது. ஒரு போட்டி 1999ஆம் ஆண்டு தென் ஆப்பிரிக்காவுடன் 'டை' ஆனது.

குறிப்பாக ஹேட்ரிக் கோப்பைகளை வென்ற ஆஸ்ட்ரேலியா தனது பலமான அணிச்சேர்க்கையினால் கடந்த 3 உலகக் கோப்பை போட்டிகளில் 32 ஆட்டங்களில் 2 போட்டிகளில் மட்டுமே தோல்வி தழுவியுள்ளது.

தேவையான தகவல்தான்.

:héhé:

தகவலுக்கு நன்றி!!!