உலகில் தமிழ் இனம் உள்ளவரை
உன் புகழ் நிலைக்கும் கவிஞர் இரா .இரவி

புறநானுற்றுத்தாய் அன்று
பாலகனுக்குத் தலைவாரி
போருக்குப் போ என்று அனுப்பினாள்
படித்து அறிந்தோம் இலக்கிய ஏட்டில்

பார்வதித்தாய் சொல்லாமலே
போருக்குப் புறப்பட்டார் மகன்
பார்த்து அறிந்தோம் ஈழ நாட்டில்

தமிழர்களின் வீரத்தை
உலகிற்குப் பறைசாற்றிய
வேங்கையை ஈன்ற வீரமங்கையே

சொல்லிற்கும் செயலுக்கும்
சிறு வேற்றுமையும் இல்லாத
சொக்கத்தங்கத்தைப் பெற்ற
சிங்கத்தாயே

பார்வதி அம்மாவே நீ
பிரபாகரன் அம்மா மட்டுமல்ல
பிரபஞ்சத் தமிழர்களின் அம்மா

உடலால் உலகை விட்டு மறைந்தபோதும்
உலகத்தமிழர்களின் உள்ளங்களில் வாழ்கிறாய்
தமிழ்நாட்டில் சிகிச்சைப் பெற்றிருந்தால்
தள்ளிப் போட்டிருக்கலாம் உந்தன் சாவை

தன்மானத்தாயே மிதிக்க வேண்டாம் மதியாதார்
தலைவாசல் என்று உயிர் துறந்தாய் என்று
புலிக்குப் பிறந்தது என்றும் பூனையாகாது
புலியை ஈன்ற தாய்ப்புலியே நீயே

தமிழ் இனத்தின் தலைவன் என்று யார் யாரோ
தனக்குத்தானே சொல்கிறார்கள்
தமிழ் இனத்தின் தலைவன் உன் மகன் என்று
தரணியே போற்றுகின்றது .

பினிக்ஸ் பறவையை
பெற்று எடுத்த தாய்பறவையே
இறப்பு உந்தன் உடலுக்குத்தான்
இறப்பு இல்லை உந்தன் புகழுக்கு

சத்திரபதி சிவாஜியின் தாயென
சரித்திரத்தில் இடம் பிடித்தாய்
உலகில் தமிழ் இனம் உள்ளவரை
உன் புகழ் நிலைக்கும்

சராசரி தாய் பூமிக்கு
வந்து போவார்கள்
சாதனைத் தாய்
வீரனைத் தந்து போவார்கள்
--
இணையங்களில் இலக்கியம் படித்து மகிழுங்கள் .
நன்றி
அன்புடன்
கவிஞர் இரா .இரவி

[You must be registered and logged in to see this link.]
eraeravi.wordpress.com
eraeravi.blogspot.com

[You must be registered and logged in to see this link.]
இறந்த பின்னும்
இயற்கையை ரசிக்க

கண் தானம் செய்வோம் !!!!!

சபாஷ்

//தமிழ் இனத்தின் தலைவன் என்று யார் யாரோ
தனக்குத்தானே சொல்கிறார்கள்
தமிழ் இனத்தின் தலைவன் உன் மகன் என்று
தரணியே போற்றுகின்றது .

பினிக்ஸ் பறவையை
பெற்று எடுத்த தாய்பறவையே
இறப்பு உந்தன் உடலுக்குத்தான்
இறப்பு இல்லை உந்தன் புகழுக்கு//

தமிழ் இனத்தின் தலைவன் தமிழீழத் தேசியத் தலைவர் பிரபாகரன் மட்டும் தான் நண்பா

//தன்மானத்தாயே மிதிக்க வேண்டாம் மதியாதார்
தலைவாசல் என்று உயிர் துறந்தாய் என்று
புலிக்குப் பிறந்தது என்றும் பூனையாகாது
புலியை ஈன்ற தாய்ப்புலியே நீயே//

அருமை...!!!

உங்களின் வரிகளில் நான் அப்டியே என்னை மறந்தேன் ...
தலைவரின் புகழ் சிறக்க ... வீரதாய்யின் ஆன்மா சாந்தி அடைய இறைவனை வேண்டிக்கொள்கிறேன்