குடையும் செருப்பும் - ஜென் கதை

by **அ.இராமநாதன்** Sat Apr 23, 2011 1:21 pm

[You must be registered and logged in to see this image.]
-

தென்னோ என்ற ஜென் துறவி. பல வருடத் தொடர்ச்சியான வாசிப்பு
மற்றும் தியானத்திற்குப்பிறகு அவருடைய கல்வி நிறைவடைந்தது.
தன்னுடைய குருநாதரிடம் விடை பெற்றுச் செல்வதற்காகச் சென்றார்.
-
அன்றைக்கு மழை நாள். தென்னோ குடை பிடித்தபடி நடந்தார்.
குருநாதரின் குடில் வாசலில் செருப்பைக் கழற்றினார். பக்கத்திலேயே
குடையை வைத்தார். உள்ளே நடந்தார்.
-
குருநாதர் தென்னோவை வரவேற்று உட்காரவைத்தார்.
சூடான தேநீர் தந்து உபசரித்தார்.
-
அடுத்த சில நிமிடங்களுக்கு அவர் எதுவும் பேசவில்லை. தன்னுடைய
ஞானத்தை, வாசிப்புத்திறனை அவர் பாராட்டப்போகிறார் என்கிற
எதிர்பார்ப்புடன் அமர்ந்திருந்தார் தென்னோ.
-
ரொம்ப நேரம் கழித்து குருநாதர் பேசினார். ‘தென்னோ, நீ உன்னுடைய
குடையை எங்கே வைத்தாய்?’
-
‘வாசலில்தான்’ என்றார் தென்னோ. ‘என்னுடைய செருப்புகளைக்
கழற்றிவிட்டுப் பக்கத்திலேயே குடையையும் வைத்தேன்!’
-
‘அது சரி. வலது பக்கமா? இடது பக்கமா? எங்கே வைத்தாய்?’
-
தென்னோ யோசித்தார். ‘வலது பக்கம் வைத்ததுபோல்தான் ஞாபகம்.
ஒருவேளை இடது பக்கமாக இருக்குமோ? சரியாக நினைவில்லையே!’
-
சில நிமிடங்களுக்குப்பிறகு தென்னோ தன்னுடைய தோல்வியை
ஒப்புக்கொண்டார். ‘மன்னிக்கவேண்டும் குருநாதரே, நான் இன்னும் ஜென்
முழுமையை அடையவில்லை என்று புரிகிறது. நான் மீண்டும் வாசிக்கத்
தொடங்குகிறேன்!’

--வி. பத்மா
=====================================================
நன்றி:
[You must be registered and logged in to see this link.]

சபாஷ் பாராட்டுக்கள் பகிர்வுக்கு

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

குடையும் செருப்பும் - ஜென் கதை

குடையும் செருப்பும் - ஜென் கதை

Re: குடையும் செருப்பும் - ஜென் கதை