தேர்{ஆறு}தல் கவிதைகள்

by **ந.க.துறைவன்** Wed Mar 19, 2014 10:45 am

நோட்டோ தெரியுமா?
தெரியாது,எது தெரியும்?
ரூபாய் நோட்டு.
*
பேருந்தில் பச்சை இலை
உட்கார இடமில்லை
பறந்து விட்டது குருவி.
*
குற்றவாளிகளே
குற்றம் சாட்டிக் கொள்கிறார்கள்
கேட்டு ரசிக்கும் வாக்காளர்கள்.
*
வாக்காளர்களுக்கு
இலவசமாக அளிக்கப் பட்டது
துடப்பக் கட்டை.{தேர்தல் சின்னமல்லவா…}
*
பேசுவதைக் கேட்கிறார்கள்
செய்ததைக் கவனிக்கிறார்கள்
தீர்ப்பளிக்கும் வாக்காளர்கள்.
*

by **ந.க.துறைவன்** Thu Mar 20, 2014 11:53 am

தேர்{ஆறு}தல்
*
தகிக்கும் சூரியன்
மலரும் தாமரை
உதிரும் இலைகள்.
*
கண்ணீரில் மிதக்கிறது
தண்ணியில் மிதக்கும்
மனிதர்களின் குடும்பங்கள்.
*
கட்சிகளின் ஆக்ரமிப்பில்லை
சுத்தமாகவே இருக்கிறது
வீட்டுச் சுவர்கள்.
*
வாக்குறுதி
ஆட்சிக்கு வந்தால் அளிப்போம்
கட்டில், பீரோ இலவசம்.
*
பள்ளிக் கூடத்தில் தொடங்கி
சட்டசபையில் பெஞ்சுத் தட்டுகிறார்கள்
தொட்டில் பழக்கம்.

by **ந.க.துறைவன்** Fri Mar 21, 2014 11:00 am

தேர்{ஆறு}தல் சென்ரியு கவிதைகள்
*
யாருக்கு ஓட்டளிப்ப தென்று
இலவசம் பெற்றுக் கொண்டவர்கள்
இருதலைக் கொள்ளியாய் தவிப்பு.
*
கூட்டணியிலிந்தவர்கள் விலகினார்கள்
விலகியவர்கள் கூட்டணியில் சேர்ந்தார்கள்
உருவானது கூட்டணித் தத்துவம்.
*
விவாதத்தில் பங்கு கொள்ளாத
பாராளமன்ற உறுப்பினர்
ரசித்துக் கொண்டிருந்தார் ஆபாசபடம்.

*
பரபரப்பாகப் போனார் காரில்
பிரியாணிச் சாப்பிட
மாணவி பலி.
*
தனித்துப் போட்டி என்று
அறிக்கை விட்டார்கள்
தவித்துப் போனார்கள் தொண்டர்கள்.
*
தேர்தல் பேச்சு
தேனாய் இனித்தது
கசக்கிறது பொய் வாக்குறுதிகள்.

by **ந.க.துறைவன்** Sat Mar 22, 2014 12:14 pm

*
வெற்றி பெறுவதற்கு
யாகம் செய்கிறார்கள்
வேட்பாளர்கள்
*
சுறுசுறுப்பாகச் சுற்றிய
சுயமரியாதைப் பம்பரம்
தாமரையிடம் தஞ்சம்.
*
வாரிசுகள் வருகை
வரவேற்கிறதா? வெறுக்கிறதா?
வருங்கால அரசியல்.
*
கையெடுத்து கும்பிடுகிறார்கள்
காலில் விழுந்து எழுகிறார்கள்
ஐந்தாண்டுகளுக் கொரு முறை.
*
எதிர்ப்பு, குழப்பம், மௌனம்
மூத்தத் தலைவர்கள் தத்தளிக்கிறார்கள்

தாமரை இலைத் தண்ணீராய்…

by **ந.க.துறைவன்** Sun Mar 23, 2014 11:52 am

இப்பொழுது எங்கே இருக்கிறது
தமிழ்,தமிழர் பண்பாடு,தமிழர் கொள்கை
வளர்த்தத் திராவிடம்.
*
பரபரப்பான பிரவேசம்
விரித்த வலையில் வீழ்கிறது
ஊழலை எதிர்த்தக் கட்சி.
*
பேசாமல் இருந்து சாதனைப் புரிந்தப்
பாராளமன்ற உறுப்பினருக்கு
பாராட்டுக் கேடயம் பரிசளிப்பு.
*
கட்சியிலிருந்து நீக்கப் பட்டவர்
பத்து நாளில் துவங்கினார்
புதிய கட்சி..
*
கூட்டணி விருந்தில்
பரிமாறப் பட்டது
சுவையான மாங்கனி.
*

by **ந.க.துறைவன்** Mon Mar 24, 2014 9:10 pm

அன்பளிப்பாக வழங்கப் பட்டது
குங்குமச் சிமிழில்
ஒளிந்திருந்தது மூக்குத்தி.
*
இலவசப் பொருள்கள்
கிடைக்கவில்லை என்று வருத்தப்பட்டது
வெள்ளை ரேசன் கார்டுகள்
*
வண்ண வண்ணக் கலர்களில்
இனம் பிரித்து அளித்தார்கள்
ரேசன் கார்டுகள்.

by **ந.க.துறைவன்** Sat Mar 29, 2014 11:49 am

*
தலைவர் முகத்தில் சிரிப்பு்
தொண்டர்கள் முகத்தில் சோகம்
கோஷ்டிப் பூசலில் பிளவு.
*
நேர்மையானத் தொண்டர்
கட்சித் தாவினார்
கிடைத்ததுப் பொற்கிழி விருது.
*
அரசியல் தலைவர்கள்
ஆதரவுக் கேட்டு
மதுரையில் கிரிவலம்.
*
ஆதரவின்றித் தவிக்கிறது
ஆதரவாக இருக்க வேண்டிய
ஆதார் அடையாள அட்டை.
*
கைக் கொடுத்தவர்கள்
கையை விலக்கிக் கொண்டு
நம்பிக்கையை இழந்தது கை.
*
வரவேற்கப் பட்டார்கள்
மணக்கிறது மாற்றான்
தோட்டத்து மல்லிகைகள்.

அருமை

அருமை

by **ந.க.துறைவன்** Thu Apr 03, 2014 7:14 pm

நன்றி இனியவன்...

by **Ponmudi Manohar** Sun Apr 06, 2014 7:07 pm

தேர்ந்த கவிதைகள் .....மனதில் எழுதியது..... தேறாத அரசியல் வதைகள் தானே ......? மிக்க மகிழ்ச்சி

by **ந.க.துறைவன்** Sun Apr 06, 2014 7:44 pm

நன்றி பொன்முடிமனோகர்...

by **ந.க.துறைவன்** Mon Apr 07, 2014 10:38 am

தேர்தல் கவிதைகள்
*
பஸ்பயணம், தண்ணீர் பாட்டில்
சாப்பாடுப் பொட்டலம்
பசியைத் தீர்த்தது தேர்தல்.
*
அதிகாரிகள்
அரசியல் பிரவேசம்
தொண்டர்கள் அச்சம்.
*
சிக்கன நடவடிக்கை
எருமை மீது பயணம் செய்து
வாக்கு சேகரித்தார் வேட்பாளர்.
*
கருத்துக் கணிப்பு
எல்லாக் கட்சியினரும்
எதிர்த்துப் புறக்கணிப்பு.
*
யார் யாருக்கு என்ன பலம்
தீர்மானிக்கிறது
தேர்தல் களம்.

*

by **ந.க.துறைவன்** Wed Apr 09, 2014 5:00 pm

கோடீஸ்வர வேட்பாளர்கள்
பட்டியல் வெளியிட்டது
தேர்தல் ஆணையம்.
*
எந்த மெனுவும்
தள்ளுபடி யில்லை
மனுதான் தள்ளுபடி.
*
தேர்தல் களத்தில்
அனல் பறக்கிறது
பேச்சாளர்களின் பேச்சு.
*
கோயில் கட்டுவார்கள்
நிதானமாக வெட்டுவார்கள்
ஊழியர்கள் கோரிக்கைகள்.
*
நல்லாசி, நல்லாட்சி
பிறகு மெல்ல அரங்கேறும்
ஊழல் காட்சி.
*

by **ந.க.துறைவன்** Thu Apr 17, 2014 10:24 am

தரை இறங்கும் ஹெலிகேப்டர்…!
*
ஆரத்தி எடுத்தப் பெண்கள்
ஆக்ரோஷமாய் கத்தினார்கள்
பணம் பட்டுவாடா தகராறு.
*
புதுசா என்ன இலவசம்?
அறிவிப்பு வருமென்று
எதிர்பார்த்தார்கள் ஏழைகள்.
*
ஹெலிகேப்டர் இறங்க இறங்க
தலைஎணங்கி நிற்கிறார்கள்
தன்மானத் தமிழர்கள்.
*
சின்னங்களை வரவழைத்து
மாஜிக் காட்டினான்
வியந்துப் பார்க்கிறது கூட்டம்.
*
இந்திய வாக்காளர் பட்டியல்
சிறந்தத் தொகுப்பாக
கின்னஸ் தேர்வு.
*

by **ந.க.துறைவன்** Sat Apr 19, 2014 9:23 am

காந்தி சிரித்தார்…!!
*
தேர்தல் திருவிழாவில்
காணாமல் போனது
உண்மை, நேர்மை, வாய்மை.
*
குற்றச்சாட்டுக்கள் கேட்டார்கள்
தீர்ப்பளிப்பார்கள்
விவேகமான வேட்பாளர்கள்.
*
ஊழல் செய்தவர்களைக்
காரித் துப்புகிறது
சுடுகாட்டுப் பிணங்கள்.
*
வீட்டுக்கு வீடு வாசலில்
கருப்புக் கொடி, தேர்தலைப்
புறக்கணித்ததுக் கிராமம்.
*
வேட்பாளர் சிரித்தார்
வாக்காளர் சிரித்தார்
மறைவில் காந்தி சிரித்தார்.

*

by **ந.க.துறைவன்** Tue Apr 22, 2014 9:35 am

*
எவருமில்லை அங்கே...!!
*
மழை பெய்து ஒய்ந்தது
மண் ஈரமாக வில்லை
வேட்பாளர்கள் வெற்றிப் பேச்சு.
*
ஊரே அமைதியாகி விட்டது
ஊர் திரும்பி விட்டார்கள்
வேட்பாளர்கள்.
*
எறும்பு போல வரிசையில்
வாக்காளர்கள்
விரலில் “ மை”.
*
வாக்களித்து விட்டு
வெளியில் வந்தேன்
எவருமில்லை அங்கே.
*
விடை பெறுகிறேன்
நண்பர்களே சந்திப்போம்
அடுத்த தேர்தல்.

*

by **ந.க.துறைவன்** Tue Apr 22, 2014 7:53 pm

நன்றி நண்பரே...

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தேர்{ஆறு}தல் கவிதைகள்

தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்