சென்ரியுவாய் திருக்குறள் 101

by **கவியருவி ம. ரமேஷ்** Fri Apr 20, 2012 9:35 pm

குறள் 101:
செய்யாமல் செய்த உதவிக்கு வையகமும்
வானகமும் ஆற்றல் அரிது.
கலைஞர் உரை:
வாராது வந்த மாமணி ( என்பதுபோல், செய்யாமற் செய்த உதவி) என்று புகழத்தக்க அரிய உதவி வழங்கப்பட்டால், அதற்கு இந்த வானமும் பூமியும் கூட ஈடாக மாட்டா.
மு.வ உரை:
தான் ஓர் உதவியும் முன் செய்யாதிருக்கப் பிறன் தனக்கு செய்த உதவிக்கு மண்ணுலகத்தையும் விண்ணுலகத்தையும் கைமாறாகக் கொடுத்தாலும் ஈடு ஆக முடியாது.
சாலமன் பாப்பையா உரை:
ஒருவருக்கு ஒரு நன்மையும் நாம் செய்யாத போதும், அவர் நமக்கு உதவினால், அதற்குக் கைம்மாறாக மண்ணுலகையும் விண்ணுலகயும் கொடுத்தாலும் சமம் ஆகாது.

ம. ரமேஷ் சென்ரியு

மண்ணுலகும் விண்ணுலகும்
சமம் இல்லை
செய்யாமல் செய்த உதவி

தளிரின் சென்ரியு

விண்ணும் மண்ணும் சிறுக்கும்
விழையாமல் வந்த
உதவி

தாம் விழையாமல் தமக்கொருவர் உதவிடின் அவருடைய உதவி முன் விண்ணும் மண்ணும் சிறிதாகும்

ஹிஷாலியின் சென்ரியு

பெருமைக்கு உதவாமல்
வறுமைக்கு உதவுபவன்
வான் வையகதிற்கு ஈடு ஆக

by **thaliranna** Fri Apr 20, 2012 9:58 pm

தளிரின் சென்ரியுவாய் திருக்குறள் 101

விண்ணும் மண்ணும் சிறுக்கும்
விழையாமல் வந்த
உதவி

தாம் விழையாமல் தமக்கொருவர் உதவிடின் அவருடைய உதவி முன் விண்ணும் மண்ணும் சிறிதாகும்!