சேவாக், கோலி சதம்; இந்தியா 370 ரன்கள் குவிப்பு

டாக்காவில் நடைபெற்று வரும் உலகக் கோப்பை கிரிக்கெட் போட்டியில் வங்கதேசத்திற்கு எதிராக இந்திய அணி 50 ஓவர்களில் 370 ரன்கள் குவித்தது. சேவாக் 175 ரன்களையும், வீரத் கோலி தனது முதல் உலகக் கோப்பை போட்டியில் சதம் எடுத்து 100 ரன்கள் எடுத்து நாட் அவுட்டாகத் திகழ்ந்தார்.

சேவாகும், கோலியும் இணைந்து 145 ரன்களில் 203 ரன்களை 3-வது விக்கெட்டுக்காகச் சேர்த்தனர். இது ஒரு புதிய சாதனையாகும்.

கேரி கர்ஸ்டனின் உலகக் கோப்பை சாதனையான 188 ரன்களை எடுத்து விடுவார் சேவாக் என்று எதிர்பார்க்கப்பட்டது. ஆனால் அவர் கபில்தேவின் 175 ஸ்கோரிலேயே ஆட்டமிழந்தார்.

மிகவும் களைப்படைந்த நிலையில் அவர் ஆட்டமிழந்தார். மாறாக வீரத் கோலி அபாரமாஅன் முறையில் தனது இன்னிங்ஸைக் கட்டமைத்தார்.

அவர் 83 பந்துகளில் 8 அபாரமான பவுண்டரிகளையும் 2 மிகப்பெரிய சிக்சர்களையும் அடித்தார்.

கடைசியாக யூசு பத்தான் 8 ரன்களில் ஆட்டமிழந்தார். இந்திய அணி சேவாக், கோலி இருக்கும்போது 38-வது ஓவரில் பவர் பிளேயை எடுத்தது. இதில் 48 ரன்கள் எடுக்கப்பட்டன.

கடைசி 27 ஓவர்களில் 218 ரன்கள் விளாசப்பட்டது. வங்கதேச அணியில் ரூபெல் ஹொசைனும், ஷாகிப் அல் ஹஸனும் மட்டுமே ஓவருக்கு 6 ரன்கள் என்ற சராசரியில் விட்டுக் கொடுத்து சிக்கனம் காட்டினர்.

மற்ற பந்து வீச்சாளர்கள் அனைவரும் ஓவர் ஒன்றுக்கு 7 ரன்களுக்கு மேல் விட்டுக் கொடுத்தனர்.

விரேந்திர சேவாக் மொத்தம் 140 பந்துகள் விளையாடி 14 பவுண்டரிகள் 5 சிக்சர்கள் சகிதம் 175 ரன்கள் எடுத்தார். இடையில் பை-ரன்னர் வைத்துக் கொண்டதால் அவரது வழக்கமான அதிரடியைக் காணமுடியவில்லை. இருந்தபோதும் அடித்து நொறுக்கினார்.

இல்லையெனில் ஸ்கோர் 400 ரன்களை எட்டியிருக்கும். உணவு இடைவேளை முடிந்து வங்கதேச அணி இலக்கைத் துரத்தக் களமிறங்கும்.

by **கவிக்காதலன்** Sat Feb 19, 2011 11:47 pm

இந்தியா வெற்றிபெற்றுவிட்டது...!

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

சேவாக், கோலி சதம்; இந்தியா 370 ரன்கள் குவிப்பு

சேவாக், கோலி சதம்; இந்தியா 370 ரன்கள் குவிப்பு

Re: சேவாக், கோலி சதம்; இந்தியா 370 ரன்கள் குவிப்பு