அடையாளம் இழக்கிறேன் - சிங்கை டாக்டர் மா.தியாகராசன்

by **Dr Maa Thyagarajan** Tue Mar 08, 2011 6:24 pm

அடையாளம் இழக்கிறேன்...
சிங்கை டாக்டர் மா.தியாகராசன்
[You must be registered and logged in to see this link.]

அன்பே... ...!
விரும்பிய சேனல்களை
விரல்கள் அழுத்தினால்
மாற்றிக்காட்டும்
ரிமோட் கண்ட்ரோல் போல,
உன் அரும்பு புன்னகையால்
நான் அடிக்கடி
அடையாளம் இழக்கிறேன்!

என்னை இயக்கும் இயந்திரம் நீ
என்னை மயக்கும் மந்திரம் நீ
உன் சாட்டைக் கயிற்றில் - நான்
பம்பரமாய் ஆடுகிறேன்!

கையும் காலும் தூக்கத் தூக்கும்
ஆடிப்பாவை போல!
இக்கவிதை எழுதத் தூண்டியது
‘கழனி மாஅத்து விளைந்துஉகு தீம்பழம்' (குறுந்தொகை)
என்ற ஆலங்குடிவங்கனார் பாடலாகும்

சிங்கை டாக்டர். மா. தியாகராசன்
27A, கான்வே சர்க்கிள் சிங்கப்பூர் 558286

by **அரசன்** Tue Mar 08, 2011 6:41 pm

மிக ரசித்தேன்

by **RAJABTHEEN** Tue Mar 08, 2011 6:54 pm

காதலின் கனிந்த நிலைவரிகள் மிகவும் அருமையாக உள்ளது பாராட்டுக்கள்

RAJABDEEN wrote:காதலின் கனிந்த நிலைவரிகள் மிகவும் அருமையாக உள்ளது பாராட்டுக்கள்

by **அ.இராமநாதன்** Tue Mar 08, 2011 11:49 pm

கழனி மாஅத்து விளைந்துஉகு தீம்பழம்
பழன வாளை கதூஉம் ஊரன்
எம்இல் பெருமொழி கூறி,தம் இல்
கையும் காலும் தூக்கத் தூக்கும்
ஆடிப் பாவை போல
மேவன செய்யும்,தன் புதல்வன் தாய்க்கே.
-
[You must be registered and logged in to see this image.]
-
இப்பாடலின் அடிநாதமாக , வளமான சொற்களில்
வடித்துள்ள கவிதை அருமை...

by **Dr Maa Thyagarajan** Wed Mar 09, 2011 8:10 pm

உங்களின் இனிமையான வாழ்த்துக்கும் பாராட்டுக்கும் மிக்க நன்றி!
இதைப்போன்று தொடர்ந்து வாழத்தியும் பாராட்டியும் வருவது என்னுள் ஒரு புதுவிதத் தெம்பைபயும் உத்வேகத்தையும் கொடுக்கிறது. நீங்கள் வாழத்துகிற வாழத்தும் பாராட்டும் எனக்கு ஒரு வித ஊக்கமருந்தாகவும் அமைகிறது.
அன்புடன்
சிங்கை டாக்டர் மா.தியாகராசன்