தெளஹிதை விளக்கும் வார்த்தைகளாக இருப்பது லாஇலாஹ இல்லல்லாஹ் ஆகும். இந்த வார்த்தையைத்தான் கலிமா தய்யிபா, கலிமதுல் இஃலாஸ், கலிமதுத் தக்வா என்று பெயர் வழங்குகிறோம்.

இந்த புனிதமான வார்த்தையுடைய கருத்து வழங்குவதற்கு தகுதியான அல்லாஹ்வைத் தவிற வேறு இறைவன் இல்லை என்பதாகும்.

“இலாஹ்” என்ற அரபுப்பதத்திற்கு கருத்தை எடுத்து நோக்குகின்ற போதும், இந்த வசனத்தை அதன் அமைப்பில் பார்க்கின்ற போதும் இக்கலிமாவானது கீழ்வரும் அம்சங்களை உள்ளடக்கியிருப்பதைக் காணலாம்.

01 அல்லாஹ்வுக்கு மாத்திரம் இபாதத் செய்தல் (அவனுக்கே வழிபடல்) இந்த முதலாவது அம்சம் நிறைவு பெற வேண்டும் என்றால் கீழ் வரும் மூன்று அம்சங்கள் தவிர்க்கப்படல் வேண்டும்.

* அல்லாஹ்வைத் தவிர வேறு எவரையும் ரப்பாக (இறைவனாக) ஏற்றுக்கொள்ளக்கூடாது.

* அல்லாஹ்வின் மீது நாங்கள் எந்த அளவு அன்பு காட்டுகிறோமோ, அதேபோல அன்பை வேறு அவனுடைய எந்த படைப்பினங்களுக்கும் காட்டக்கூடாது.

* அல்லாஹ் அல்லாதோரை தீர்ப்பு கூறுபவராக ஏற்று அவர்களுக்கு கட்டுப்படக்கூடாது.

02 தார்வூத்களை முற்றாக நிராகரித்து தான் இபாதத் செய்த விசுவாசமாக நடந்து கொண்ட அனைத்தையும் விட்டும் நீங்கிவிட வேண்டும்.

03 ஷிர்க்கை விட்டும் முற்றுமுழுதாக நீங்கிவிட வேண்டும். கீழ்வரும் மூன்றும் ஷிர்க்கை விட்டும் நீங்கி விடல் வேண்டும்.

* வணக்க வழிபாடுகளை அல்லாஹுக்கன்றி வேறு ஒரு பொருளுக்கு வழங்குதல்.

* இறந்தவர்களிடம் பிரார்த்தனை செய்தலும் உதவி தேடலும்.

* அல்லாஹ் அல்லாதோரை சட்டம் இயற்றுவோராக ஏற்றல்.

மேற்குறித்த அம்சங்களை ஒருவர் கருத்திற் கொள்ளாத வரை அவர் மொழியும் கலிமா அவரைத் தெளஹீதை ஏற்றுக்கொண்டவராக ஆக்காது.

தெளஹீதின் பக்கமே உலகில் தோன்றிய அனைத்து இறைத்தூதர்களும் அவர்களுடைய சமூகத்தை அழைத்தார்கள். இதனை அல்லாஹ் அல்குர்ஆனிலே கூறுகின்ற போது,

“நிச்சயமாக நாம் நூஹை அவருடைய மக்களுக்கு தூதராக அனுப்பி வைத்தோம். (அவர் அவர்களை நோக்கி) “என்னுடைய மக்களே நீங்கள் ஒருவனையே வணங்குங்கள். அவனைத்தவிர வேரு இறைவன் உங்களுக்கு இல்லை. (இதற்கு நீங்கள் மாறு செய்தால்) உங்களுக்கு வரக்கூடிய மகத்தானதொரு நாளின் வேதனையை நான் பயப்படுகிறேன்” என்று கூறினார். (7:59)

மேலும் அல்லாஹுதஆலா குறிப்பிடுகின்ற போது,

“உங்களுக்கு முன்னர் நாம் அனுப்பிய தூதர்களுக்கெல்லாம் நிச்சயமாக என்னைத் தவிர வேறு இறைவன் இல்லை, “என்னையே நீங்கள் வணங்குங்கள்” என்று நாம் வஹி அறிவிக்காமலில்லை.

இந்தத் தெளஹீத் மூன்று அடிப்படைப் பிரிவுகளாக பிரிக்கின்றன.

01. தெளஹீத் ரூபூபிய்யா

02. தெளஹீத் உலூஹிய்யா

03. தெளஹீத் அல் அஸ்மா வஸ்ஸிபாத்

தெளஹீத் ரூபூபிய்யா

அகிலத்தின் படைப்பாளனாகவும் அனைத்தையும் போஷித்துக் காப்பாற்றுபவனாகவும் ஏற்றுக்கொள்வதைக் குறிக்கும்.

தெளஹீதின் இப்பிரிவை மறுத்தவர்கள் மனித வரலாற்றில் மிகக் குறைவு. நபியவர்களின் வருகைக்கு முன்பு வாழ்ந்த அரபியர்கள் கூட இதனை ஏற்று இருந்தனர். அல்குர்ஆன் கூறுகின்ற போது,

“நபியே நீங்கள் அவர்களை நோக்கி வானங்களையும், பூமியையும் படைத்தவன் யார்? சூரியனையும், சந்திரனையும் தன் திட்டப்படியே நடக்கும்படி செய்தவன் யார்? என்று அவர்களை கேற்பீராயின் அதற்கவர்கள் அல்லாஹ்தான் என்று நிச்சயமாகக் கூறுவார்கள்.

மேலும் அல்லாஹ் கூறுகின்ற போது,

“நபியே நீங்கள் அவர்களை நோக்கி மேகத்திலிருந்து மழையை பொழியச் செய்பவன் யார்? அதனைக் கொண்டு இறந்த பூமியை உயிர்ப்பிப்பவன் யார்? என்று நீங்கள் அவர்களை கேற்பீராயின், அதற்கவர்கள் “நிச்சயமாக அல்லாஹ்தான்” என்று கூறுவார்கள். அதற்கு நீங்கள் புகழ் அனைத்தும் அல்லாஹ்வுக்கே என்று கூறுங்கள் என்னும் அவர்களில் பெரும்பாலனோர் இதனை உணர்ந்து கொள்ளவில்லை”

ஒருவர் உண்மையான தெளஹீத் வாதியாக ஆகுவது என்றால் இதை மாத்திரம் ஏற்றுக்கொண்டால் போதுமானதல்ல. இன்னும் உள்ளது.

தெளஹீத் உலூஹிய்யா

வணக்கத்துக்குறியவன் தொழுகை, பிராத்தனை, உதவிகோரல், நேர்ச்சை வைத்தல் போன்ற அனைத்து வகையான வணக்க வழிபாடுகளும் அல்லாஹ் ஒருவனுக்காகவே மேற்கொள்ளப்படல் வேண்டும். தனக்கு தேவையான சகல வழிகாட்டல்களை வழங்கத் தகுந்தவன்.

தெளஹீத் அல் அஸ்மா வஸியாத்

இது அல்குர்ஆனிலும் அஸ்ஸ¤ன்னாவிலும் இடம்பெற்றுள்ள அல்லாஹுடைய திருநாமங்களையும், பண்புகளையும் ஏற்று நம்புவதைக் குறிக்கும்.

அல்லாஹ் அல்குர்ஆனிலே குறிப்பிடுகின்ற போது,

“அவனுக்கு ஒப்பானது எதுவுமில்லை. அவன் (அனைத்தையும்) செவியுறுபவனாகவும் உற்று நோக்குபவனாகவும் இருக்கின்றான்.

எனவே உன்மையான முறையில் இந்த தெளஹீதை ஏற்று அவனின் கட்டளைக்கு வழிபட்டு வாழ்வதற்கு எனக்கும் உங்களுக்கும் அனைவர்களுக்கும் அல்லாஹ் அருள் புரிவானாக ஆமீன்.