" அப்போது அழு "

by **Sivajisankar** Sat Jan 23, 2010 1:26 pm

"சோற்றுக் கற்றாழை பிசுக்காய்
இன்னும் உறையாத உதிரத்தில்
ஹீமோகுளோபின்களின் கடைசிவாக்கு மூலம்"..

அக்குள் மழித்த கீறலாய்
உறுத்தும் உன் நினைவுகளை
நுரையீரல் பஞ்சுகள் உறிஞ்சும்
நிக்கோட்டின் சாம்பலுக்கு தின்னக்கொடுக்கிறேன்..
புகை என்னை புகைக்கும் வரை
நான் புகைத்தாலென்ன?..

பனி மிதக்கும் கரியமில நுரைகளால்
சில நாளில் வெடித்துவிடும் என் செல்கள்..
காதலியாள் தீண்டாத கரங்களை
பெருநோய் தான் புக்கட்டும்!..

சுருங்கும் இமைச்சுருக்கும் பசி..
பாவை பாராத பாவை
இனி இருந்தென்ன வீழ்தென்ன?..

கிரகண நிழல் நிறைத்ததாய் என் பகல்..
இனி இரவுகள் தான் எனக்கெதற்கு?..

காலச்சக்கரப் பற்களுக்கு
காவு கொடுக்கிறேன் என்னை..

கல் நாரில் பூ தொடுத்து
என் கல்லறைக்கு வா.!!

வா...

அப்போது அழு..!

[You must be registered and logged in to see this link.][You must be registered and logged in to see this image.]