சமையல் அறையை சுத்தப்படுத்த சில வழிகள்.

சுத்தமான சமையல் அறையில் சமைக்க வேண்டும்
என்றால் எல்லோருக்கும் பிடித்தது தான். ஆனால் சமையல் அறையை சுத்தம் செய்வது
யாருக்கும் பிடிக்காத ஒன்று.
அதிக சிரமமின்றி, குறைந்த நேரத்தில் பளபளப்பான, சமையல் அறையைப் பெற உங்களுக்காக சில குறிப்புகள்.

அலமாரி :

முதலில்
சமையல் அறையில் உள்ள அலமாரிகளை சுத்தம் செய்வது நல்லது. அதில் உள்ள
பொருட்களை கீழே வைத்துவிட்டு காய்ந்த துணியால் தூசியை துடைத்துவிடவும்.

ஒரு
மேஜைக் கரண்டி எலுமிச்சை பழச் சாற்றுடன் 2 மேஜைக் கரண்டி தேங்காய் எண்ணெய்
என்ற விகிதத்தில் தேவையான அளவு பாலிஷைத் தயாரிக்கவும். உங்கள் மரத்தால் ஆன
அலமாரிகளை இதைக் கொண்டு பாலிஷ் செய்யவும்.

ஃபிரிட்ஜ் :

ஃபிரிட்ஜின் உள்பக்கத்தை சுத்தம் செய்தபிறகு, வெளிப்பக்கத்தை சுத்தம் செய்யவும்.

1/4 கோப்பை பேகிங் பவுடரை 1 1/2 லிட்டர் தண்ணீரில் கலக்கவும். இதைக்கொண்டு ஃபிரீஜர் மற்றும் உள்பக்கத்தை சுத்தம் செய்யவும்.

வெளிப்புறத்தை சோப்பு நீரில் நனைத்த துணியால் சுத்தம் செய்யவும்.

மிக்ரோவேவ் ஓவன் :

ஓவனில்
வைக்கக்கூடிய பாத்திரத்தில் தண்ணீரை நிரப்பவும். அதில் சில துளிகள்
எலுமிச்சை சாறை சேர்த்து ஓவனில் வைத்து கொதிக்க விடவும். அதன் பிறகு
காய்ந்த துணியால் உட்புறத்தை துடைத்து விடவும்.

வெளிப்புறத்தை சோப்பு நீரில் நனைத்த துணியால் சுத்தம் செய்யவும்.

டைல்கள் :

சுவற்றில் உள்ள டைல்களை (கூடைநள) முதலில்சுத்தம் செய்துவிட்டு தரையில் உள்ள டைல்களை சுத்தம் செய்யவும்.

ஒரு
வாளி தண்ணீரில் 3 மேஜைக் கரண்டி பாத்திரங்களை சுத்தம் செய்யும் லிக்விட்டை
சேர்க்கவும். அதைக்கொண்டு முதலில் சுவரையும் பிறகு தரையையும் சுத்தம்
செய்யவும்.

அடுத்தபடியாக ஒரு கோப்பை வினிகரில் (காடியில்) 1/2 கோப்பை தண்ணீரைச் சேர்த்து பாலிஷ் தயாரிக்கவும். அதைக்கொண்டு டைல்களை துடைக்கவும்.

அடுப்பு, மேடை :

அடுப்பிலும், அதை வைக்கும் மேடையிலும் சோடாவைத் தெளித்து 5 நிமிடம் ஊர வைக்கவும். அதன்பிறகு லேசாகத் தேய்த்து அழுக்கை நீக்கவும்.

இதோ உங்கள் பளபளக்கும் சமையல் அறை தயார்!