மத்திய அரசின் கட்டுப்பாட்டில் இயங்கும் மத்திய நிறுவனங்கள் பாதுகாப்புப்
படையில் ( சென்ட்ரல் இண்டஸ்ட்ரியல் செக்யூரிட்டி போர்ஸ்-சி.ஐ.எஸ்.எப்.,)
ஸ்டெனோ பிரிவு துணை ஆய்வாளர்கள் 140 பேரையும், ஹெட்கான்ஸ்டபிள் பிரிவில்
902 பேரையும் தேர்ந்து எடுப்பதற்கான அறிவிப்பு வெளியாகியுள்ளது. அரசு
நிபந்தனைகளுக்கு உட்பட்டு இந்தப் பதவிகளுக்கு எஸ்.சி., எஸ்.டி., ஓ.பி.சி.,
முன்னாள் ராணுவத்தினர் ஆகிய பிரிவுகளுக்கு இட ஒதுக்கீடும் உள்ளது.
வயது வரம்பு: சி.ஐ.எஸ்.எப்.,
அறிவித்துள்ள காலியிடங்களுக்கு விண்ணப்பிக்க 01.08.2011 அன்று 18 வயது
நிரம்பியவராகவும், 25 வயதுக்கு உட்பட்டவராகவும் இருக்க வேண்டும். உச்ச பட்ச
வயதில் எஸ்.சி., எஸ்.டி., பிரிவினருக்கு 5 ஆண்டுகளும், ஓ.பி.சி.,
பிரிவினருக்கு 3 ஆண்டுகளும் சலுகைகள் உள்ளது. முழு விபரங்கள் அறிய இந்த
அமைப்பின் இணைய தள முகவரியைப் பார்க்கவும்.
கல்வித் தகுதி:
சென்ட்ரல் இன்டஸ்ட்ரியல் செக்யூரிட்டி போர்ஸின் இரண்டு பிரிவு
பதவிகளுக்குமே குறைந்த பட்ச கல்வித் தகுதியாக பிளஸ் டூவிற்கு நிகரான
படிப்பை முடித்திருக்க வேண்டும். ஸ்டெனோ-துணை ஆய்வாளர் பதவிக்கு
விண்ணப்பிக்க இந்தி அல்லது ஆங்கில ஷார்ட் ஹேண்டில் நிமிடத்திற்கு 80
வார்த்தைகளை எழுதும் திறன் தேவை. இத்துடன் ஆங்கில டைப்பிங்கில்
நிமிடத்திற்கு 40 வார்த்தைகளையோ அல்லது இந்தி டைப்பிங்கில் கம்ப்யூட்டரில்
நிமிடத்திற்கு 30 வார்த்தைகளையோ டைப் செய்யும் திறனும் தேவை.
ஹெட்-கான்ஸ்டபிள் பதவிக்கு விண்ணப்பிக்க கம்ப்யூட்டரில் ஆங்கில தட்டச்சில்
நிமிடத்திற்கு 35 வார்த்தைகளையோ அல்லது இந்தி டைப்பிங்கில் நிமிடத்திற்கு
30 வார்த்தைகளையோ டைப் செய்யும் திறன் தேவைப்படும்.
உடல் தகுதி: சி.ஐ.எஸ்.எப்.,
அறிவித்துள்ள காலியிடங்களுக்கு மேற்கண்ட தகுதிகளுடன் சில குறைந்த பட்ச
உடல் தகுதிகளும் நிர்ணயிக்கப்பட்டுள்ளது. சில நிபந்தனைகளுக்கு உட்பட்டு
எஸ்.சி., எஸ்.டி., பிரிவினருக்கு இதிலும் சலுகைகள் உள்ளது. உயரத்தைப்
பொறுத்தவரை ஆண் விண்ணப்பதாரர்களுக்கு குறைந்த பட்சம் 167.5 செ.மீ.,யும்,
பெண் விண்ணப் பதாரர்களுக்கு 157 செ.மீ.,யும் தேவை. உயரத்திற்கு நிகரான
எடையும் பெற்றிருக்க வேண்டும்.
ஆண் விண்ணப்பதாரர்கள் குறைந்த பட்சம் 81
செ.மீ., மார்பளவும், குறைந்த பட்சம் 5 செ.மீ., விரிவும் பெற்றிருக்க
வேண்டும். கண் குறைபாடு உள்ளவர்கள் விண்ணப்பிக்க முடியாது.
தேர்ச்சி முறை:
மத்திய நிறுவனங்கள் பாதுகாப்பு படையின் சப்-இன்ஸ்பெக்டர் (ஸ்டெனோ) மற்றும்
ஹெட்-கான்ஸ்டபிள் பதவிகள் இரண்டிற்குமே எழுத்துத் தேர்வு, உடல் தகுதித்
தேர்வு, ஸ்கில் டெஸ்ட், மருத்துவப் பரிசோதனை என்ற அடிப்படைகளில் தேர்ச்சி
இருக்கும். முழு விபரங்களுக்கு இணைய தளத்தைப் பார்க்கவும்.
விண்ணப்பக் கட்டணம்: சி.ஐ.எஸ்.எப்.,பின்
இரண்டு பதவிகளுக்கும் விண்ணப்பக் கட்டணம் ரூ.50/- ஆக
நிர்ணயிக்கப்பட்டுள்ளது. எஸ்.சி., எஸ்.டி., பிரிவினருக்கு இந்தக் கட்டணம்
கிடையாது. கட்டணத்தை கிராஸ் செய்யப்பட்ட போஸ்டல் ஆர்டராக [You must be registered and logged in to see this link.] என்ற பெயரில் சென்னையில் மாற்றத்தக்கதாக எடுத்து அனுப்ப வேண்டும்.
விண்ணப்பிக்கும் முறை:
சென்ட்ரல் இண்டஸ்ட்ரியல் போர்ஸின் காலியிடங்களுக்கு தமிழ் நாடு, கேரளா,
கர்னாடகா, ஆந்திரா, புதுச்சேரி ஆகிய மாநிலங்களிலிருந்து விண்ணப்பிப்பவர்கள்
பின்வரும் முகவரிக்கு 25.04.2011க்குள் கிடைக்குமாறு அனுப்ப வேண்டும்.
இந்தப் பதவிகளுக்கு ஆன்-லைன் முறையிலும் விண்ணப்பிகலாம்.
முகவரி
DIG, CISF ( South Zone ),
Rajaji Bhawan "D" Block,
Besant Nagar, Chennai 600090.
விண்ணப்பிக்க இறுதி நாள் : 25.04.2011
இணைய தள முகவரி : [You must be registered and logged in to see this link.]

நன்றி தினமலர்