ஆந்திர மாநிலம் கம்மம் மாவட்டத்தில் உள்ள எல்லண்டு என்ற பகுதியில் நிலக்கரி சுரங்கம் கண்டு பிடிக்கப்பட்டு கிட்டத்தட்ட 125 ஆண்டுகள் ஆகிவிட்டது. இதுதான் தற்போது சிங்கானேரி கொலைரீஸ் என்ற பெயரில் அரசுத்துறையில் இயங்கி வருகிறது. இந்த நிறுவனத்தில் இன்ஜினியரிங் பிரிவுகளில் உள்ள காலி இடங்களை நிரப்புவதற்கான அறிவிப்பு வெளியாகியுள்ளது.
பிரிவுகள்: சிங்கானேரி கொலைரீஸ் நிறுவனத்தில் மைனிங் கிராஜூவேட் டிரெய்னி - கிரேடு 1ன் கீழ் 57 காலி இடங்களும், ஜூனியர் மைனிங் இன்ஜினியர் டிரெய்னி - இ1 கிரேடின் கீழ் 100 காலி இடங்களும் நிரப்பப்பட உள்ளன.
தேவை என்ன: இந்தப் பிரிவுகளில் முதல் பிரிவான மைனிங் கிராஜூவேட் டிரெய்னி பிரிவுக்கு விண்ணப்பிக்க 01.01.2011 அன்று 28 வயதுக்கு உட்பட்டவராகவும், ஜூனியர் மைனிங் இன்ஜினியர் டிரெய்னி பதவிக்கு விண்ணப்பிக்க இதே தேதியில் 24 வ்யதுக்கு உட்பட்டவராகவும் இருக்க வேண்டும். முதல் பிரிவுக்கு விண்ணப்பிக்க பி.இ., பி.டெக்., ஏ.எம்.ஐ.இ., ஆகிய ஏதாவது ஒரு படிப்பைக் குறைந்த பட்சம் 55 சதவிகித மதிப்பெண்களுடன் மைனிங் பிரிவில் முடித்திருக்க வேண்டும்.
இரண்டாவது பிரிவிற்கு விண்ணப்பிக்க ஏ.ஐ.சி.டி.இ., அங்கீகாரம் பெற்ற கல்வி நிறுவனத்தின் மூலம் டிப்ளமோ இன் மைனிங் படிப்பை முடித்திருக்க வேண்டும். எழுத்துத் தேர்வு மற்றும் நேர்காணல் மூலமாக இந்தப் பதவிகள் நிரப்பப்படும் என்று அறிவிக்கப்பட்டுள்ளது.
இதர தகவல்கள்: சிங்கானேரி கொலைரீஸ் லிமிடெட் நிறுவனத்தின் இன்ஜினியரிங் பணியிடங்களுக்கு ஆன்-லைன் முறையிலேயே விண்ணப்பிக்க வேண்டும். ஆன்-லைனில் விண்ணப்பித்த பின்னர் கிடைக்கும் பிரின்ட் அவுட்டுடன் சான்றிதழ் நகல்கள் மற்றும் ரூ.5/-க்கான ஸ்டாம்ப்பை சுயவிலாசமிட்ட கவரில் ஒட்டி பின்வரும் முகவரிக்கு 19.09.2011க்குள் கிடைக்குமாறு அனுப்ப வேண்டும்.
முகவரி:
Director (PA & W),
The Singaneri Collieries Co. Ltd.,
Recruitment Cell,
Kothagudem 507 101,
Khammam District,
Andhra Pradesh..
இணையதள முகவரி : scclmines.com/careers.asp

நன்றி தினமலர்