ஐந்தாம் வகுப்பு முடித்து ஆறாம் வகுப்பு அரசினர் மேல்நிலை பள்ளி ,ஆறாம் வகுப்பு சேர்ந்தவுடன் மிக பெரியதாய் இருந்தது , நான் இத்தனை நாட்களாய் படித்த முழு பள்ளியே அந்த பள்ளியில் ஒரு வகுப்பில் அடங்கி போனது ,இவ்ளோ பெரிய பள்ளியில் என்னை தனியாய் காண்பிப்பது மிக கடினம் என புரிந்தது.

ஒவ்வொரு பிரியட் என பிரித்து வைத்திருந்தார்கள் ,ஒன்றுமே புரியவில்லை முதல் நாள் ,ஆசிரியர் பெயர் இன்னென்ன என வகுக்கவே சில நாட்கள் பிடித்தது எனக்கு, வகுப்பாசிரியர் ஸ்டெல்லா மேரி அவர் ஆங்கிலம் ,மற்றும் அறிவியல் பாடம் நடுத்துவார் ,அப்பொழுதெல்லாம் உயரமாய் இருபவர்கள் தான் வகுப்பு லீடர் ,ஏற்கனவே அங்கு பெயில் ஆனவர்கள் தான் லீடர் ,சரவணன் ,செந்தில் என இருவர் கையில் மர ஸ்கேல் வைத்து கொண்டு அடிப்பார்கள்,முதலில் அதிக கஷ்ட பட்டேன் பிறகு நண்பகளாகி விட்டனர் ,தமிழ் ,ஆங்கிலம் ,அறிவியல் ,சமூகஅறிவியல் ,எல்லாவற்றிலும் அறுபது மதிப்பெண்களுக்கு மேல் எடுத்து விடுவேன் இதற்கு நடுவில் இருக்கும் கணிதம் மட்டும் அவ்வளவு சுலபத்தில் வரவில்லை எனக்கு!!அந்த கணக்கு மட்டும் இன்னமும் புரியவில்லை எனக்கு!!!
அறிவியலில் ஒரு நாள் முதல் இடை தேர்வு எழுதும் போது கேள்வித்தாளில் உள்ள அல்லது எனும் பகுதியையும் சேர்த்து எழுதிவிட்டேன் ,ஆர்வ கோளாரில் ,பேப்பரை பார்த்த ஆசிரியர் இப்படி யெல்லாம் எழுத கூடாது சண்முகம்!! என சொல்லி பத்து மதிப்பெண்ணை வேண்டும் என்றே குறைத்து விட்டார் .
வகுப்பில் நான் தான் முதல் மதிப்பெண் அறிவியலில் ,90 மதிப்பெண்.

ஸ்டெல்லா மேரி ஆசிரியர் கேள்வி கேட்கும் போது கேள்வி கேட்ட உடன் பதிலை சண்முகம் சொல்லு!! என சொல்லுவார் எழுந்து எழுந்து சொல்லவே நேரம் சரியாய் இருக்கும் எனக்கு,மகிழ்ச்சியும் கூட,
நாம் பள்ளி படித்த நாட்களில் அந்த நினைவுகள் நம் அருகிலே தான் இருக்கின்றது,அருகில் இருக்கும் போது அதன் மதிப்பு பெரியதாய் தோன்றவில்லை நமக்கு!!, நாம் ஒவ்வொன்றாய் கடக்கும் போது அவை ஏதோ நினைவுகளை நினைவுபடுத்தி விட்டு சென்றுவிடுகின்றன!! ,

நிறைய விஷயங்கள் எதேச்சை யாகி விடுகின்றன வாழ்கையில் ,
கடற்கரைகளிலோ,ரயில் நிலையங்களிலோ நாம் வாங்கும் சுண்டல் ,வேர்கடலை மடித்து தரும் காகிதத்தில் எப்படியும் சில நொடிகள் அதில் உள்ளதை படித்து விட்டுதான் கசக்கி எறிவோம் ,அது போல கசங்கி விடுகிறது நம் நினைவுகளும் .

அம்மாசி ,ஜெயலக்ஷ்மி ,ஸ்டெல்லா மேரி ,ஆவுடையப்பன் ,சுரேகா ,சுந்தரமூர்த்தி ,உமா மகேஸ்வரி ,ஜாஸ்மின் ,இவைகளெல்லாம் வெறும் பெயர்கள் அல்ல !!!வாழ்கையை விளக்கியவர்கள்''வாழ்க்கை'' அப்படி எனும் ஒன்றை, நமக்கு பாடம் நடத்தி விட்டு ,காணாமல் போய்விடுகிறார்கள்,,


பொதுவாக நம் வாழ்கையில் மகிழ்ச்சியாய் இருக்கவேண்டிய தருணங்கள் நாம் கவனிப்பதற்குள் கடந்து போய் விடுகிறது ...!!!!javascript:emoticonp('')

//பொதுவாக நம் வாழ்கையில் மகிழ்ச்சியாய் இருக்கவேண்டிய தருணங்கள் நாம் கவனிப்பதற்குள் கடந்து போய் விடுகிறது ...!!!!// உண்மையே

அருமையாக இருக்கு... பசுமை நிறைந்த நினைவுகள்...

நன்றி

பகிர்ந்தமைக்கு நன்றிங்க நண்பா ...

நன்றிங்க