சார் . . . அந்த ஒரு நிமிஷம்!!!

இன்றைய உலகம் மிகவும் பரபரப்பாக, இயங்கும் சுழலில் நாமெல்லாம் வாழ்ந்துகிட்டு இருக்கோமுங்க. எந்த ஒரு விஷயமானாலும் மிக சீக்கிரமாக முடிவெடுக்க வேண்டிய கட்டாயம் இருந்தாலும், அந்த ஒரு விஷயம் அதாங்க, முடிவெடுக்கும் முன்னாடி ஒரு நிமிஷம், ஏன் இந்த முடிவெடுக்கிறோம் அதனால் வரு பலன்கள், என்ன நஷ்டத்தை தருமா? லாபத்தை தருமா? என ஒரு நிமிஷம் யோசிக்காததால, எத்தனையோ வாய்ப்புகள் லாபங்கள் நம் காலடியிலே நசுங்கிபோயிருக்குங்க.

காலையில பத்து மணிக்கு இன்டர்வியூ காலையிலே ஏழு மனிக்கே கிளம்பினால் தான் சரியாக இருக்கும், நம்மில் எத்தனை பேர் முதல் நாள் இரவே இன்டர்வியூக்கு தேவையானவைகளை சரிப்பார்த்து எடுத்து வைக்கிறார்கள், பஸ்ஸை பிடிக்க கிளம்பும் நேரத்தில் தான் ஒவ்வொன்றாக தேடுவார்கள் அதனால் புறப்பட தாமதமாகும் , வேகவேகமாக பஸ் ஸ்டாப் போகும் முன் பஸ் நமக்கு டாட்டா காட்டிவிட்டு முன்னே போய்க்கொண்டிருக்கும், அவசரத்தில் ஒரு ஆட்டோ பிடித்து தெண்டமாக காசை கூடுதலாக அழுது, இன்டர்வியுக்கு போய் சேர, போய் சேர்ந்த பிறகு தான் அந்த சர்டிபிகேட் கொண்டு வரவில்லை, இந்த சர்டிபிகேட் கொண்டுவரவில்லை என அசடுவழிவார்கள்.

அப்புறம் இன்டர்வியு அம்பேல், நிறைய பேர் இப்படித்தங்க கடைசி நேர மனிதராகவே வாழ்ந்து பல பொன்னான வாய்ப்புகளை எல்லாம் கோட்டை விட்டுடறாங்க, நம்ம ரமேஷை பாருங்க நாளை காலை பத்து மணி இன்டர்வியுக்கு முதல் நாள் இரவே அனைத்து சர்டிபிகேட்டுகளையும் எடுத்து பைலில் வைத்து விட்டு, காலை ஏழு மணி பஸ்ஸுக்கு காலை ஐந்தரை மணிக்கே அலாரம் வைத்து எழுந்து கடமைகளை முடித்து ஆறரை மணிக்கெல்லாம் பஸ் ஸ்டாப்பை நோக்கி நடக்குறார்ங்க, மனசு ரிலாக்ஸ்ஸா கையில் பைலுடன், இன்டர்வியுவில் பதட்டமில்லாமல் அனைத்து சர்டிபிகேட்களையும் சப்மிட் செய்து பதட்டமில்லாமல் பதில் சொல்லி, வாழ்த்துக்களுடனும், அப்பாயின்மென்ட் ஆர்டருடனும் வெளியே வரார் பாருங்க சந்தோஷமாக, அது வெற்றிங்க, .

எந்த விஷயத்தையும் அப்புறம் பாத்துக்கலாம் என தள்ளி போடாதீங்க உடனுக்கு உடனே முடிச்சுடனுங்க அப்பதான் அடுத்து என்ன செய்யலாம்னு நமக்கு யோசிக்க நேரம் கிடைக்கும் வெற்றியும் நம்மை தேடி வரும். எல்லாம் பிளானுங்க எதயும் செய்யும் முன் நல்லா யோசிச்சு செய்து பாருங்க, வெற்றியாளர்களின் வரிசையில் நீங்கதானுங்க பர்ஸ்டு.
என்னங்க பார்க்குறீங்க, ஓ அந்த ரமேஷ் யாருன்னு கேகுறீங்களா! அதுவும் நீங்கதாங்க, சிறப்பா யோசிச்சு, அருமையா வெற்றி பெருவீங்க பாருங்க ப்யூச்சர்ல அப்ப நீங்கதாங்க ரமேஷு.

அட என்னங்க மறுபடியும்? ஓ நான் எங்கே போரேன்னு கேக்குறீங்களா நெறைய வேலை இருக்குங்க இது போல நெறைய தகவல் உங்களுக்கு சொல்லனுமில்ல வரட்டா!.

படைப்பு: ஈர நிலா

மிகவும் அருமையான பயனுள்ள தகவல்

மிக்க நன்றி ஈர நிலா