இணையத் தளத்தில் தமிழ்...

உலக மொழிகளின் வரலாற்றில் தமிழ் மொழிக்கோர் அறிய சிறப்பும் தனித்துவமும் உண்டு. பல தடைகளை தவிடு பொடியாக்கி தனக்கென ஒரு தனி இடத்தை கொண்டது தமிழ், தமிழின் வளர்ச்சியில் இணைய தளத்தின் பங்கானது தமிழை உலகின் மூலை முடுக்கெல்லாம் கொண்டு சென்றது என்பதில் ஐயமில்லை.
எனினும் இணையதளத்தில் தமிழினை பயன்படுத்துவதில் உள்ள சிறிய சிறிய குறைகளை களையும் நோக்கிலும், கடந்த காலத்தில் இணைய தளத்தில் தமிழ் பங்களிப்பின் சாதனைகளையும், வருங்காலத்தில் எதிர்நோக்கப்போகும் சவால்களையும் பற்றியும் விவாதிக்க தமிழ்த் தகவல் தொழில்நுட்பத்தில் ஏற்பட்டு வரும் வளர்ச்சிகளையும் சவால்களையும் குறித்துக் கருத்துகளைப் பரிமாறிக்கொள்ளவும் தீர்வுகளை நோக்கி முன்னேறவும் அவ்வப்போது சர்வதேச அளவில் தமிழ் இணைய மாநாடுகளுக்கு உத்தமம் அமைப்பு ஏற்பாடு செய்து வருகிறது.
தமிழ்த் தகவல் தொழில்நுட்பம் குறித்துத் தொடர்ந்து சர்வதேச அளவில் மாநாடுகளை உத்தமம் அமைப்பு மட்டுமே நடத்தி வந்துள்ளது. இதுவரை சென்னை, , சிங்கப்பூர், மலேசியா, அமெரிக்கா ஆகிய நாடுகளில் தமிழ் இணைய மாநாடுகள் நடந்துள்ளன.
தமிழ் இணைய மாநாடுகள் இதற்கு முன்பு கீழ்கண்ட நாடுகளில் கீழ்க்கண்ட ஆண்டுகளில் நடந்துள்ளன.
1. முதல் தமிழ் இணைய மாநாடு - 1997 ஆம் ஆண்டு - சிங்கப்பூர்.
2. இரண்டாம் தமிழ் இணைய மாநாடு - 1999 ஆம் ஆண்டு சென்னை, தமிழ்நாடு, இந்தியா.
3. மூன்றாம் தமிழ் இணைய மாநாடு - 2000 ஆம் ஆண்டு - சிங்கப்பூர்.
4. நான்காம் தமிழ் இணைய மாநாடு - 2001 ஆம் ஆண்டு - கோலாலம்பூர், மலேசியா.
5. ஐந்தாம் தமிழ் இணைய மாநாடு - 2002 ஆம் ஆண்டு - சான் பிரான்சிசுகோ, அமெரிக்கா.
6. ஆறாம் தமிழ் இணைய மாநாடு - 2003 ஆம் ஆண்டு - சென்னை, தமிழ்நாடு, இந்தியா.
7. ஏழாம் தமிழ் இணைய மாநாடு - 2004 ஆம் ஆண்டு - சிங்கப்பூர்.
8. எட்டாம் தமிழ் இணைய மாநாடு - 2009 ஆம் ஆண்டு - கொலோன், செருமனி.
9. ஒன்பதாவது தமிழ் இணைய மாநாடு 2010, சூன் 23 ஆம் நாளிலிருந்து சூன் 27 வரை கோயம்பத்தூர், தமிழ்நாடு, இந்தியா. நடைபெறவுள்ளது.
தமிழ் தகவல் தொழில்நுட்பம் குறித்த இன்றைய சாதனைகளையும், எதிர்காலச் சவால்களையும் அறிஞர்கள், கலந்து விவாதிக்கிறார்கள்.

படைப்பு. தமிழ்தோட்டம்

அனைவரும் அவசியம் அறிந்திருக்கவேண்டி ஒரு மிக அருமையான தகவலைத்தந்தமைக்கு மிக்க நன்றி

தகவலுக்கு மிக்க நன்றி நண்பரே