பாரமான உண்மைகள்.

by Michael Remance Tue Aug 02, 2011 12:13 am

எனக்கு வலிக்கும்
என்பதற்காக -அலை
அடிக்காமல் இருக்கப் போவதுமில்லை.
அலைக்கு வலிக்கும்
என்பதற்காக - நான்
நீந்தாமல் இருக்கப் போவதும் இல்லை.
பூமிக்கு வலிக்கும்
என்பது கண்டுபிடிக்கப்படவில்லை ஆயினும்
நான்
அதன் மேல் நடப்பதை
தவிர்க்க முடிவதில்லை.
கொலை விலக்கப்பட வேண்டும் என்ற
வியாக்கியானம்
மாமிசம் உண்ணும்போது - ஏனோ
மனதை உதைப்பதில்லை.
மனிதன் மனது
இயற்கையுடன் முரண்படுகிறபோது
இறைவன் மனது
கனத்துப்போகுமோ?
விடைகள் இல்லை என்பதற்காக
மனிதமே
தயவுசெய்து
என் கேள்விக் குறிகளை
அழித்து விடாதீர்.
என் முன்னோரின்
கேள்விகளுக்கு - நாம்
விடை கண்டது போல்,
நாளைய சந்ததியே !
நீயும் கொஞ்சம்
முயன்றுபாரேன்.[img][/img][img][/img]