வர்ணங்களே வந்துவிட்ட நோயில் பாதியாவது தீர்க்கும்..!

by **அ.இராமநாதன்** Sat Aug 06, 2011 9:45 pm

-

-
நம் வாழ்க்கையில் வர்ணங்கள் எவ்வளவு முக்கியமானவை
தெரியுமா? நம்மில் அநேகம் பேருக்கு இது தெரியாது.
-
ஆகாயம் நிர்மல நீலமாகச் சூரிய ஒளியுடன் விளங்கும்
போது உள்ளத்தில் ஊக்கம் ஏற்படுகிறது. ஆனால் மப்பும்
மந்தாரமுமாகப் பொழுது விடியும்போதோ மனதுக்குச்
சோர்வு மூள்கிறது. அதிலும் நோயாளிகளுக்கு ஊக்கம்
இன்னும் குன்றிச் சோர்வு ஏற்பட்டுவிடும்.
-
வர்ணங்களைப் பற்றி ஆராயும் பிரிட்டிஷ் கலர் கவுன்சில்
என்ற சங்கத்தைச் சேர்ந்த நிபுணர்கள், வீட்டுக்குள்
சுவருக்குச் சிவப்பு வர்ணம் அடித்திருந்தால் குறைந்த
இரத்த அழுத்தம் உள்ளவர்களுக்கு இரத்த அழுத்தம்
மிகுதியாகும் என்றும் உணர்ச்சி வேகம் காரணமாக ஒரு
நிலையில் இல்லாமல் பரபரப்பும் எரிச்சலும் கொண்டிருக்கும்
நோயாளிகள் சச்சரவிடத் தொடங்கிவிடுவார்கள் என்றும்
சொல்கிறார்கள்.
-
நீல வர்ணம் அடித்திருந்தால் குளுகுளு என்று இருப்பது
போல் ஒருவித அமைதி ஏற்படுகிறது.
-
அதிக மஞ்சள் கலப்பில்லாத லேசான பச்சை,
நோயாளிக்கு இதமாக இருப்பதோடு உற்சாகமும் ஊட்டும்.
-
அம்பர் நிறம் என்று சொல்லக்கூடிய மஞ்சள் வகை
மன நோய்க்காரர்களுக்கு இதம் தரும்.
-
சுவர் அலங்காரம் மிகுதியாக இராதபடி பார்த்துக் கொள்ள
வேண்டும். அப்படி இருந்தால் நோயாளிக்கு ஏதோ பாரம்
தம்மை அழுத்துவது போல் கவலை மூண்டுவிடும்.
குழந்தைகளுக்கோ அவைகளைப் பார்த்தால் திகில் மூளும்.
-
இரண்டு மூன்று நாள் ஜுரம் மட்டுமே இருந்தால் இப்படி
வர்ணம், அலங்காரம் எல்லாம் அவசரப்பட்டு மாற்றி
அமைக்கத் தேவையில்லை. சற்று யோசித்து சொந்த
யுக்தியைப் பயன்படுத்தினால் போதும். படுக்கை விரிப்பு
கவர்ச்சியாக இருக்கும்படி பார்த்துக்கொள்வதில்தான்
பாதியளவு சிரமமும் இருக்கிறது.
-
டிராஃப்ட் (வரைந்து பிளான் எடுக்கும்) ஸ்கிரீனில்
பத்திரிகைகளிலிருந்து கத்தரித்து எடுத்த படங்களைப் பசை
தடவிய பளிங்கு போன்ற கடிதத் துண்டால் ஒட்டி வைத்தால்,
பார்வைக்குப் புது தினுசாகவே இருக்கும்.
-
குழந்தைகளுக்கு இப்படிக் கத்தரித்து எடுப்பதென்றால்
மிகவும் பிடிக்கும். இந்தப் படங்களை அடிக்கடி மாற்றி
அமைக்கலாம். ஒரு நாள் மிருகங்களின் படங்கள்
கண்காட்சியாக ஒட்டி வைக்கலாம். இன்னொரு நாள்
மலர்களின் படங்கள் ஒட்டி வைக்கலாம்.
இப்படி ஒவ்வொரு நாளும் செய்து கொண்டே போகலாம்.
-
ஜன்னலுக்கு அருகில் ஒரு கண்ணாடி தொங்க
விட்டிருந்தால் வெளியில் நடப்பதையெல்லாம் நோயாளி
கவனிக்க வசதியாக இருக்கும். மரங்களின் பசுமை,
தெருவில் போவோர் வருவோரின் ஆடை நிறம்,
பளிச்சென்ற வெயில் ஒளி, மேகம் எல்லாவற்றையும்
நோயாளி தம் அறையிலிருந்து கவனிக்கலாம்.
-
மலர்கள் அவசியம் அறையில் இருக்க வேண்டும்.
ஆனாலும் அவையும் மிதமிஞ்சி இருக்கக்கூடாது.
பறித்தெடுத்த மலரை விடச் செடியையே அறையில்
வைத்திருப்பது நல்லது.
=
நோயாளி தாமே அதைப் பாதுகாத்துப் புதுப்புது
மலர்கள் அரும்புவதைத் தாமே சின்னஞ்சிறு தோட்டம்
போட்டு, அதைக் கவனித்து வந்தால், உடல் விரைவில்
குணமாகும். மேனியில் பளபளப்பும் வாழ்வில் விருப்பமும்
ஏற்படும்.
-
=============================================
>எலிஸபெத் கில்ஸீன்
நன்றி: மஞ்சரி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வர்ணங்களே வந்துவிட்ட நோயில் பாதியாவது தீர்க்கும்..!

வர்ணங்களே வந்துவிட்ட நோயில் பாதியாவது தீர்க்கும்..!

Re: வர்ணங்களே வந்துவிட்ட நோயில் பாதியாவது தீர்க்கும்..!