நடிகர் அதர்வாவுக்கு பாலா அழைப்பு - விரைவில் புதுப்பட அறிவிப்பு?

by **அரசன்** Tue Sep 27, 2011 6:27 pm

அதிர்ஷ்டம் கதவை தட்டி அள்ளிக்கோன்னு சொல்றதும், பாலா கூப்பிட்டு தன் படத்தில் ஹீரோவாக்குறதும் கிட்டதட்ட ஒன்றுதான். அதன்பின் ஓஹோன்னு கொண்டாடும் உலகம். விக்ரமில் ஆரம்பிச்சு லேட்டஸ்ட் விஷால் வரைக்கும் தங்களின் நடிப்பு திறமையை நிரூபித்தது பாலாவின் படங்களில்தான்.

ஆனால் ஒட்டக பிரியாணிக்காக சகாரா மணலில் புரண்டெழுந்த கதையாகிவிடும் இந்த சந்தோஷங்களை அனுபவிப்பதற்குள். வருத்தி எடுத்துவிடுவார் பாலா. இவரது அடுத்த படத்தில் அந்த துயர சுமையை தோளில் ஏற்றிக் கொள்ளப்போகிற நடிகர் யார்? இதுதான் சினிமா ரசிகர்களின் கேள்வி.

அதற்கும் விடை கிடைத்திருக்கிறது. கடந்த சில தினங்களுக்கு முன்பு இளம் நடிகர் அதர்வாவுக்கு ஒரு போன் வந்ததாம் பாலாவிடமிருந்து. கொஞ்சம் ஆபிசுக்கு வந்துட்டு போக முடியுமா? இந்த அழைப்பை கேட்டவுடன் கை கால்கள் எல்லாம் புல்லரிக்க பதறி அடித்துக் கொண்டு ஓடினார் அவர்.

இப்ப என்னென்ன படங்கள் பண்ணிட்டு இருக்கே என்று விசாரித்த பாலா, போதும். இனிமே புதுப்படங்கள் எதுவும் கமிட் பண்ணிக்க வேணாம். நாம சேர்ந்து படம் பண்றோம் என்றாராம். கடவுளே நேரில் வந்து கதவை திறந்துவிடும் போது வேணாம்னு சொல்ல பைத்தியமா பிடித்திருக்கிறது. சந்தோஷத்தில் படீரென்று காலில் விழுந்து வணங்கினாராம் அதர்வா.

சட்டுபுட்டுன்னு சம்பளத்தை ஏத்திராதீங்கப்பு

நன்றி : [You must be registered and logged in to see this link.]