வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

நிலைமாறும் உலகில்..(பாமாலிகை (கதம்பம்- பகுதி2) - வேதா. இலங்காதிலகம்

தமிழ்த்தோட்டம் :: கவிதைச் சோலை :: ரசித்த கவிதைகள்

Page 1 of 1

நிலைமாறும் உலகில்..(பாமாலிகை (கதம்பம்- பகுதி2) - வேதா. இலங்காதிலகம்

by தமிழ்த்தோட்டம் (யூஜின்) Sat Oct 01, 2011 12:34 pm

[You must be registered and logged in to see this link.]

நிலைமாறும் உலகில்….

நிலைமாறும் புவியினுள்
கலைகலையாய் அனுபவங்கள்
அலையலையாய்ப் புரளும்
வலைவலையாய்ப் பின்னும்.

மலைத்தேனெனும் திறமைக்
கோலையூன்றி மனிதன்
கலைச்சாலை உலகில்
நிலையம் அமைக்கிறான்.

தொலையாது எஞ்ஞான்றும்
நிலைப்பது சாதனைகள்.
நிலையூன்றும் எத்தனங்களுக்கு
விலையாகிறது வாழ்வு.

விலையில்லாப் பாடங்கள்
இலைபோட்டுப் பரிமாறும்,
மலைக்கும் உயர்த்தும்
நிலையையும் பெயர்க்கும்.

நிலையாத வாழ்வில்
நிலைக்களம் அமைக்கையில்
தலைகளை உருட்டி
அலைக்கழிக்கும் உறவுகள்.

வியந்திடும் பீடுநடை
விலையற்ற பொதுச் சேவைகளால்
நிலைத்திடும் பெயர்
கற்சிலை அடையாளங்கள்.

மூலைக்குமூலை மனிதன்
மாலை சூடி வாகையோடு
பாலைவன உலகைச்
சோலைவனமாய் ஆக்குகிறான்.

பா ஆக்கம் வேதா. இலங்காதிலகம்
ஓகுஸ், டென்மார்க்.
5-8-2008.

(ஐ.ரி.ஆர் (பிரான்ஸ) வானொலியில் 7-8-2008ல் என்னால் வாசிக்கப் பட்டது.)

தமிழ்த்தோட்டம் (யூஜின்): Admin; Posts : 56835
Points : 69591
Join date : 15/10/2009
Age : 41
Location : கன்னியாகுமரி