வெற்றி தொற்றும் வேளை…(பாமாலிகை -காதல்) - வேதா. இலங்காதிலகம்.

[You must be registered and logged in to see this link.]

வெற்றி தொற்றும் வேளை…

வெற்றி தொற்றும் வேளை
பற்றிப் படர்ந்து நடப்போம்.
காற்றைத் தோழியாய் ஏற்று
ஆற்றலைக் கேட்டுப் பெறுவோம்.

வாழ்வின் அர்த்தம் புரியாது
வாழ்ந்த காலம் போதும்.
வாழ்வை முழுதாய் அள்ளுவோம்.
வா வா அன்பே வா!

வாலிபக் காற்று வசந்தம்.
வாலிபம் முடியுமுன்னே
வாழ்வை முழுதாய் எடுப்போம்.
வளமாய் வாழ்வோம் வா!

[You must be registered and logged in to see this link.]

எங்கோ நீயும் நானும்
இங்கே இப்படி இணைந்தோம்.
எங்கள் மழலை தரணியில்
உங்கு உண்ணப் போகிறது.

சந்ததி வளரும் தருணம்
பந்தம் இறுகும் பூரணம்.
சிந்திடும் உன்னழகு வதனம்
முந்தி என்னை இழுக்கிறதே!

மகிழ்ச்சியை மாலை கட்டி
மகிழ்ந்து அணிந்து பயணிப்போம்.
சோகத்தை மூட்டை கட்டி
சோடியாய்க் கடலில் எறிவோம்.

அயர்ச்சி என்ற சொல்லை
அறுதியாய் மறப்போம் துறப்போம்.
முயற்சி ஒன்றே துணையாய்
முன்னேறி உயரச் செல்வோம்.

[You must be registered and logged in to see this link.]

பா ஆக்கம் வேதா. இலங்காதிலகம்.
ஓகுஸ், டென்மார்க்.
22-10-2011.