உதிர்ந்த சருகுகள்

by Kaa.Na.Kalyanasundaram Mon Nov 15, 2010 6:28 pm

சருகுகள்

பிறர்க்கு உதவி இன்பம் காணும்
சிறு பிள்ளைவயதை நினைத்தே,
வாழ்ந்த இவளின் பருவம்
சமுதாய வீதியில் - சில கயவர்கள்
மடியில் தஞ்சும் புகுந்தது...
பட்டாம்பூச்சியாய் சிறகடித்து
பறந்த காலங்கள் வெறும்
கூட்டுப் புழுவானாள்!
கால் வயிற்று கஞ்சிக்கு காலம் தள்ள....
வயிற்றில் விளைந்த கருக்களும்
தரிசுநில வித்தாகிப் போனது!
ஒப்பிலா இன்பமுதை இரவுக் கூடலில்
தந்தவளின் உடலின்று முடங்கியது!
நுகர்ந்தோர் எல்லாம் நகர்ந்து போயினர்
அந்த நடை பாதை நுனியை யாரும் நாடவில்லை
அள்ளியெடுத்து முத்தமிட்ட மேனிக்கு
இன்று கொள்ளிவைத்து
பால் வார்க்க யாருமில்லை!
சமுதாயம் பெற்ற சந்தனப் பேழை
சாக்கடைப் பொருளாய் சிதறிக் கிடக்கிறது!
பட்டமரக் கிளை மீதமர்ந்த கழுகுக்கு
பிணவிருந்தாகி மடிந்து போனாள்!
அந்தோ!...... சமுதாயம் பெற்ற
விளைமகளிரெல்லாம்
இளவேனிர்காலத்து உதிர்ந்த
சருகுகளே!

......கா.ந.கல்யாணசுந்தரம்.

by **RAJABTHEEN** Tue Nov 16, 2010 1:18 am

நிஜத்தை சொல்லும் வரிகள் அத்தனையிலும் பாரிய உண்மைகள் மறைந்துள்ளது.பாராட்டுக்கள் நண்பரே.தொடர்ந்தும் தாருங்கள் தாங்கள் கவிதைகளை படிக்க ஆவலாக உள்ளோம் இங்கே

RAJABDEEN wrote:நிஜத்தை சொல்லும் வரிகள் அத்தனையிலும் பாரிய உண்மைகள் மறைந்துள்ளது.பாராட்டுக்கள் நண்பரே.தொடர்ந்தும் தாருங்கள் தாங்கள் கவிதைகளை படிக்க ஆவலாக உள்ளோம் இங்கே

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

உதிர்ந்த சருகுகள்

உதிர்ந்த சருகுகள்

Re: உதிர்ந்த சருகுகள்

Re: உதிர்ந்த சருகுகள்

Re: உதிர்ந்த சருகுகள்