உதிர்ந்த பூவின் ஓலம் !

by **வ.வனிதா** Wed Feb 09, 2011 1:00 pm

[You must be registered and logged in to see this image.]

அனுப்புனர்:

அம்மா (எ ) அவலை,
பத்துமாதம் சுமந்த
கருப்பை ஒன்றே
முகவரி.

பெறுநர்:

என் குழந்தை,
விதியின் விளையாட்டால்
விலாசம் தொலைந்தது ....

பொருள்:
என் மன ஆறுதலுக்காக மட்டுமே...!

என் இளவலே !
உன்னை பத்துமாதம் பிரிந்திருக்க
சிரமப்பட்டு எட்டாம் மாதத்திலேயே
ஈன்றெடுத்த இளவஞ்சி நான் !

அந்தச் சிசுச்சிறையிலும் உனக்குச்
சிங்கார மகுடம் சூட்டித்
தங்காசனதில் வைத்துச்
சித்தரித்தேன்!

அரைநிமிடம் கூட பிரியாமல்
உன் அழுகையைக் கூட
ரசித்திருப்பேன் !

உன் பூவிழிகளின் தூக்கத்திற்காக
தொலைந்த என் தூக்கங்கள்
ஒருநாளும் ஓலமிட்டதில்லை!

உன் பொற்பாதம் இம்மண்ணில் பட,
வெயிலுக்குப் பயந்து என்
உடலையே நிழலாக்கி
நின்றேன் !

இவற்றையெல்லாம் என்னைத்
தொலைக்கும் தருவாயிலாவது
சிந்தித்திருக்கலாமல்லவா ?

திருவிழாவில் தெரியாமல்
காணாமற்போகும்
குழந்தையா நான் ?
என்னைத் தெரிந்தே
தொலைத்து விட்டுச் சென்றாயே ?

உன் வீட்டில் தான் நானிருக்க
இடமில்லாமற் போயிற்று ,
உன் மனத்திலாவது
அளித்திருக்கலாமல்லவா ?

மூன்று நாட்கள் முட்டிமோதி
தேம்பித் திரிந்த என்னைக்
கண்ணில் கண்டோர் ,
காவல் துறையிடம்
ஒப்படைத்தனர்.....

விசாரணையில் அனாதையாய்
அறிமுகமான நான் இந்த
முதியோர் இல்லத்தில் அறிமுகமாகி ,
இன்றோடு மூன்றாண்டுகள்
ஆகிவிட்டது....!

ஆனால் ,
உன்னை இவ்வுலகில்
அறிமுகம் செய்த என்னை
அறியக்கூட மனமற்று இருக்கும்
உனக்கு ,
இந்தக்கடிதத்தை அனுப்பி
கவலையில் ஆழ்த்த மனமில்லாமல்
குப்பையில் வீசி எறிகிறேன்!

இம்மாதிரிதான் கண்ணீராலான
என் கடிதங்கள் மாதம்
ஒருமுறை குப்பைத்தொட்டிக்கு
அஞ்சல்வழிப்படுகின்றன !!!

ரொம்ப வேதனையா இருக்கு தோழி..
உங்கள் வருத்தம் வரிகளில் தெரிகிறது.. அதை மென்மையாய் எடுத்துரைத்திருக்கீங்க...
நான் சொன்ன
முதல் வார்த்தை..
எல்லோரும் சொல்லும்
முதல் வார்த்தை...
..மா அம்மா
நாங்கள் அன்றே
சொன்ன முதல் கவிதை அம்மா..!

by **செய்தாலி** Wed Feb 09, 2011 1:09 pm

ரெம்ப நல்லா இருக்கு வித்தியாசமான சிந்தனை
வரிகளில் மழலையின் விதும்பல் அருமை தோழி

by **வ.வனிதா** Wed Feb 09, 2011 2:06 pm

நன்றி ! இது கதையல்ல கற்பனையல்ல உண்மை ! ஒரு உண்மை தாயின் உணர்ச்சிகள் எனக்கு காதில் பட கட்டிவைத்த என் கண்ணீரானைத்தும் ஒருசீராய் உருகிவிட்டன ! இப்போதும் அந்த அம்மா உயிருடன் தான் இருக்கிறார் ஆனால் அந்த மகன் உயிருடன் பிணமாகித் திரிகிறான் !

by **சிசு** Wed Feb 09, 2011 2:08 pm

//இம்மாதிரிதான் கண்ணீராலான
என் கடிதங்கள் மாதம்
ஒருமுறை குப்பைத்தொட்டிக்கு
அஞ்சல்வழிப்படுகின்றன !!!//

கைவிடப்பட்ட தாயின் உச்சபட்ச தவிப்பை வெளிப்படுத்தும் அற்புதமான வரிகள்.
பாராட்டுகள் வனிதா...

//அஞ்சல்வழிப்படுகின்றன !!!//
இந்த வார்த்தைப் பிரயோகத்தில் அமரர் சுஜாதாவின் பிரதிபலிப்பை உணர்கிறேன். தொடர்ந்து புதிய வார்த்தைகளை அறிமுகம் செய்யுங்கள். பாராட்டுகள் மீண்டும்...

by **பட்டாம்பூச்சி** Wed Feb 09, 2011 2:46 pm

//இம்மாதிரிதான் கண்ணீராலான
என் கடிதங்கள் மாதம்
ஒருமுறை குப்பைத்தொட்டிக்கு
அஞ்சல்வழிப்படுகின்றன !!!//

ரொம்ப கவலையான விடயம் தான் .... பெற்று வளர்த்த தாய்க்கு செய்து துரோகம்...

உங்கள் சமூக கவிக்கு பாராட்டுக்கள்... அருமையான வார்த்தைகள்

by **அரசன்** Wed Feb 09, 2011 4:45 pm

வனிதா அருமையான வரிகளை கொண்டு வலிகளை சொல்லிய விதம் அழகு ..
இன்னும் நிறைய பிணங்கள் இப்படிதான் பெற்ற தாயை தவிக்க விட்டுவிட்டு சொற்ப ஆசைக்கு அடி பணிந்து விடுகின்றன..
இவனுங்களை திருத்த கூடாது ..
நாடு ரோட்டில் நிராகவைது நெற்றி பொட்டில் சுட்டு வீழ்த்தி விட வேண்டும் ///

வலிக்கிறது படிக்கும்போது

by **வ.வனிதா** Wed Feb 09, 2011 6:37 pm

நான் நேரில் பார்த்தேன் எனக்கு உயிரே போய்விட்டது நண்பரே ! அந்தம்மாவின் மகன் என் கண்களில் பட்டான் அவ்வளவுதான் !

by **வ.வனிதா** Wed Feb 09, 2011 6:37 pm

மிக்க நன்றி சிசு அவர்களே !

by **கவிக்காதலன்** Wed Feb 09, 2011 11:59 pm

அற்புதமான கவிதை... வாசிக்கும் போது மனது கனத்துவிடுகிறது...!

//இந்தக்கடிதத்தை அனுப்பி
கவலையில் ஆழ்த்த மனமில்லாமல்
குப்பையில் வீசி எறிகிறேன்!//
இந்த வரிகளில் அன்னையின் உண்மையான அன்பை உணர முடிகிறது!!!
அம்மா, அப்பாவின் அருமை தெரியாத முட்டாள்கள் இந்த உலகத்தில் நடமாடுவது வேதனைக்குரிய விடயமே...

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

உதிர்ந்த பூவின் ஓலம் !

உதிர்ந்த பூவின் ஓலம் !

Re: உதிர்ந்த பூவின் ஓலம் !

Re: உதிர்ந்த பூவின் ஓலம் !

Re: உதிர்ந்த பூவின் ஓலம் !

Re: உதிர்ந்த பூவின் ஓலம் !

Re: உதிர்ந்த பூவின் ஓலம் !

Re: உதிர்ந்த பூவின் ஓலம் !

Re: உதிர்ந்த பூவின் ஓலம் !

Re: உதிர்ந்த பூவின் ஓலம் !

Re: உதிர்ந்த பூவின் ஓலம் !

Re: உதிர்ந்த பூவின் ஓலம் !