தஞ்சை பிரகதீஸ்வரர் கோயிலைக் கட்டிய மாமன்னன் ராஜராஜ சோழன், சைவத்
திருமுறைகளை நம்பியாண்டார் நம்பி உதவியுடன் உலகுக்கு கொணர்ந்தவன்.
”காந்தளூர்ச் சாலை கலம் அறுத்தருளிய கோ ” என கல்வெட்டுகள் இவனது புகழ்
பாடுகின்ற்ன.(க்லம் அறுத்த+ விதிமுறைகள் திருத்தி அமைக்கப் பட்ட)
காந்தளூர்ச் சாலையில் நிர்வாக ஒழுங்கு ஏற்படுத்தியதால் இந்தப் பட்டம்.
பாண்டியர், சேரர், சிங்களவர் மூவரையும் வெற்றிகொண்டதால் மும்முடிச் சோழன்
என்ற விருதையும் பெற்றான்.. கொல்லத்திலும் ஓர் அழகிய சிவாலயத்தை
நிறுவியுள்ளான்.
செண்பக மொட்டு, ஏல அரிசி, இலாமிச்சை ஆகியவறை ஊறவைத்த மணமிக்க
நீராலேயே பிரகதீஸ்வரருக்கு அபிஷேகம் நடத்த உத்தரரவிட்டிருந்தான். தஞ்சைப்
பெருங் கோயிலில் பதிகம் பாட 48 பேர்களை நியமித்திருந்தான்.

ராஜராஜன் தஞ்சை ஆலயத்திற்கு அளித்த செப்பு விக்கிரஹங்கள் 24. பொற்
பாத்திரங்கள் இன்றைய அளவில் 90 கிலோ 910 கிராம். வெள்ளிப் பாத்திரங்கள்
110- கிலோ, 312 கிராம். தங்கத்தாலான க்ஷேத்திர பாலரையும், கொள்கைத்
தேவரையும் விமானத் ஸ்தூபித் தறியில் பொறிக்கச் செய்திருக்கிறான் இம்மன்னன்.
107 எண்ணம் 905 கிலோ எடையுள்ள பொன் தகடுகள் போர்த்த செப்புக்
கும்பத்தையும் அளித்தான். தங்க க்ஷேத்திர பாலருக்கு வெள்ளியால் ஸ்ரீ பாத
பீடம் செய்வித்தான். வெள்ளி யாலான மூன்று வான்தேவர்களின் எடை6691 கிலோ.
1,20, 000 கலம் நெல்லுக்கு மேல் வருட வரும்படியாக கோயிலுக்கு வருமானம்
வரும்படி மானியமாக்கினான். பெரிய கொயில் பணிக்காக இம்மன்னனால் மானியம்
அளிக்கப்பட்ட 35 சிற்றூர்கள் இன்றைய அளவில் 1000 ஏக்கர் பரப்பளவிற்கு
மேல் இருக்கும்.
ஐப்பசித் திங்கள் சதயம் அன்று இம்மன்னன் பிறந்த நாள் தொடங்கி, 12
நாட்கள் நடக்கும். தினமும் அன்னதானம் நிகழும். சங்கராந்தி விழா 12
நாட்களும் அன்னதான்ம் நடக்கும்..ஒரு ஆண்டு விளக்கு ஏற்றும் கற்பூரத்
தேவைக்காக 18-கழஞ்சு பொன் அளித்திருக்கிறான்,(ஒரு கழஞ்சு _ 18 கலம்
நெல்லின் விலை) கோயில் விளக்கெரிக்க அவன் விட்ட நிவந்தங்கள் 4000 ஆடுகள்,
4000 பசுக்கள், 100 எருமைகள்.
தில்லை நடராஜர் மேல் கொண்ட பிரேமையால் தராசுக்கும் மரக்காலுக்கும்
(ஒருமரக்கால்_ எட்டு) காசுக்கல்லுக்கும் (எடைக்கல்) ஆடவல்லான் என்று
பெயரிட்டு பக்தியைப் பரப்பினான்.
செர, பாண்டியர்களை
வெற்றிகொண்டதும் ‘கண்டநாண் ஆறு (கழுத்தில் அணியும் பொற்கொடி), புல்லிகைக்
கண்ட நாண் ஆறு (வேறுவித வேலைப் பாடு), பாசமாலை ஒன்று, மாணிக்கத் தாலி
ஒன்று, தோள் வங்கி இரண்டு, பதக்கம் ஒன்று, ரத்ன கங்கணங்கள் ஆறு, ரத்தினக்
கடகம் ஒன்று, பவள வளையல் மூன்று- (மூன்று வரிசை கொண்டது) இரண்டு,
திருப்பட்டிகை இரண்டு., முத்துசரம் இரட்டை வடம் இரண்டு, வட மாணிக்கச்
சங்கிலி, வைர ஹாரம் ஒன்று, சோனகச் சிடுக்கு இரண்டு, நவரத்தின மோதிரம் ஆறு,
ரத்தினக் கனையாழிகள் ஐந்து, ஒட்டியாணம் ஒன்று, ஸ்ரீ சந்தம் ஒன்று,
வலப்பாகக் கடகம் மூன்று, இடப்பாத நூபுரம் நான்கு ஆகியவற்றைக் கோயிலில்
இறைவ்னுக்கு அளித்திருக்கிறான். இன்றையக் கணக்கில் இவற்றின் எடை 3 கிலோ
901 கிராம்.
இம்மன்னன் பிள்ளையாருக்குக் கொடுத்த வங்கி இரண்டும் 110 கிராம்.
சத்யாசிரனை வென்ற பிறகு 20 பொற் பூக்களும், தங்கத் தாமரை ஒன்றும் வைத்துப்
பெரூடையாரை வணங்கி யிருக்கிறான் ராஜராஜன். சதாசிவன், மனோத்தம சிவன், பூர்வ
சிவன், தர்ம சிவன், அகோர சிவன், தத்புருஷ சிவன், வாம சிவன், ஓங்கார சிவன்,
நேத்ர சிவன், சத்யசிவன், உருத்திர சிவன், இதய சிவன், இப்படிக் கோயிலில் பணி
புரிந்தவர் பெயர் முடியும்படி செய்து அப்பெயர்களை உச்சரித்தாவது பாபத்தை
அழித்துக் கொள்ளட்டும் என்றெண்ணிச் செயல்பட்ட இந்த வள்ளலை இன்று மானசீகமாக
வணங்குவோம்.