இந்திய விவசாய ஆராய்ச்சிக் கழகத்தின் ( ஐ.சி.ஏ.ஆர்.,) ஒரு அங்கமான புராஜக்ட் டைரக்டரேட் ஆன் பவுல்ட்ரி (பி.டி.பி.,) மத்திய அரசின் நிதி உதவி பெற்று இயங்கி வரும் ஒரு நிகர் நிலை கன்சல்டன்சி அமைப்பாகும். உத்திரப் பிரதேச மாநிலத்தின் இடா நகரில் இந்த அமைப்பு 1970ல் துவங்கப்பட்டது. இதன் பின்னர் இது ஐதராபாத்துக்கு மாற்றம் செய்யப்பட்டது.
கோழிகளை வளர்ப்பது பராமரிப்பது, வணிக ரீதியில் உற்பத்தியை மேம்படுத்துவது என்ற நோக்கத்தில் இந்த அமைப்பு செயல்பட்டு வருகிறது. இந்த நிறுவனத்தில் லேபரட்டரி டெக்னீசியன்களைப் பணியில் அமர்த்துவதற்கான அறிவிப்பு வெளியாகியுள்ளது. இந்தக் காலி இடங்கள் ஓ.பி.சி., பிரிவினருக்கு மட்டும் பொருந்தும்.
தேவைகள் : பி.டி.பி.,யின் லேப் டெக்னீசியன் பதவிக்கு விண்ணப்பிப்பவர்கள் 18 வயது நிரம்பியவர்களாகவும் 30 வயதுக்கு உட்பட்டவர்களாகவும் இருக்க வேண்டும். இந்தப் பதவிக்கு விண்ணப்பிப்பவர்கள் பத்தாம் வகுப்பு தேர்ச்சி பெற்று அதன் பின்னர் தொடர்புடைய துறையில் சான்றிதழ் படிப்பையும் அங்கீகரிக்கப்பட்ட கல்வி நிறுவனத்தின் மூலமாக முடித்திருக்க வேண்டும். பட்டப் படிப்பை அறிவியல் அல்லது விவசாய புலத்தில் முடித்து கம்ப்யூட்டர் திறன் உடையவர்களும் இந்தப் பதவிக்கு விண்ணப்பிக்க முடியும். ஏதாவது ஒரு அரசு நிறுவனத்தில் இந்தத் துறையில் முன் அனுபவம் இருந்தால் அதற்கு முக்கியத்துவம் தரப்படும்.
இதர விபரங்கள் : பரிந்துரை செய்யப்பட்ட படிவ மாதிரியில் விண்ணப்பங்களை நிரப்பி, பாஸ்போர்ட் அளவு புகைப்படத்துடன் இந்தப் பணி இடங்களுக்கு விண்ணப்பிக்க வேண்டும். இந்த விண்ணப்பத்துடன் சாதிச் சான்றிதழ், வயது, கல்வி, மதிப்பெண் சான்று ஆகிய நகல்களுடன் விண்ணப்பங்களைப் பின் வரும் முஅக்வரிக்கு 08.12.2011க்குள் கிடைக்குமாறு அனுப்ப வேண்டும். முழுமையான விபரங்களைப் பெற இந்த நிறுவனத்தின் இணையதளத்தைப் பார்க்கவும்.
முகவரி:
Project Directorate on Poultry,
Rajendranagar,
(Indian Council of Agri. Research),
Hyderabad - 500 030.
விண்ணப்பங்கள் சென்றடைய இறுதி நாள் : 08.12.2011

நன்றி தினமலர்