இந்தியாவில் மத்திய அரசு பணி இடங்களை நிரப்புவதில் எஸ்.எஸ்.சி., எனப்படும் ஸ்டாப் செலக்சன் கமிஷன் முக்கிய பங்காற்றுகிறது. இந்த அமைப்பின் சார்பாக இந்திய அரசுப் பணியில் 719 ஜுனியர் இஞ்சினியரிங் பணியிடங்களை நிரப்புவதற்கான அறிவிப்பு வெளியாகியுள்ளது. மத்திய அரசுப் பணியிடங்கள் என்பதால் இந்த வாய்ப்பை தகுதியுள்ளவர்கள் தவறாது பயன்படுத்திக் கொள்ளலாம்.

பிரிவுகள் மற்றும் காலி இடங்கள்: எஸ்.எஸ்.சி., அறிவித்துள்ள இஞ்சினியரிங் காலி இடங்களில் சிவில் மற்றும் எலக்ட்ரிக்கல் பிரிவுகளில் சி.பி.டபிள்யூ.டி.,பிரிவுகளில் முறையே 192 மற்றும் 186 இடங்களும், சிவில் எம்.இ.எஸ்., பிரிவில் 155 இடங்களும், எம்.இ.எஸ்., பிரிவு எலக்ட்ரிகல் மற்றும் மெக்கானிக்கல் பிரிவில் 91 இடங்களும், க்யூ.எஸ்., அண்டு சி., பிரிவில் 13 இடங்களும், சி.டபிள்யூ.சி., பிரிவு சிவில் மற்றும் மெக்கானிக்கல் பிரிவுகளில் 82 இடங்களும் நிரப்பப் பட உள்ளன.
தேவைகள்: சிவில் மற்றும் எலக்ட்ரிக்கல் பிரிவுகளில் சி.பி.டபிள்யூ.டி.,பிரிவுகளுக்கு விண்ணப்பிக்க 18 முதல் 27 வயதுக்கு உட்பட்டவர்களாகவும், சிவில் எம்.இ.எஸ்., பிரிவுகளுக்கு விண்ணப்பிக்க 30 வயதுக்கு உட்பட்டவர்களாகவும், எம்.இ.எஸ்., பிரிவு எலக்ட்ரிக்கல் மற்றும் மெக்கானிக்கல் பிரிவுகளுக்கு விண்ணப்பிக்க 30 வயதுக்கு உட்பட்டவர்களாகவும் , கியூ.எஸ்., அண்டு சி., பிரிவுக்கு விண்ணப்பிக்க 18 முதல் 27 வயதுக்கு உட்பட்டவர்களாகவும் , சி.டபிள்யூ.சி., பிரிவு சிவில் மற்றும் மெக்கானிக்கல் பிரிவுகளுக்கு விண்ணப்பிக்க 32 வயதுக்கு உட்பட்டவர்களாகவும் இருக்க வேண்டும்.
விண்ணப்பிக்கும் பிரிவுக்கு ஏற்றபடி இன்ஜினியரிங்கில் பட்டப் படிப்போ அல்லது மூன்றாண்டு கால டிப்ளமோ படிப்போ கல்வி தகுதியாக நிர்ணயிக்கப் பட்டுள்ளது. முழுமையான தகவல்களைப் பெற இணைய தளத்தைப் பார்க்கவும்.

இதர விபரங்கள்: எஸ்.எஸ்.சி., அறிவித்துள்ள மேற்கண்ட காலி இடங்களுக்கு எழுத்துத் தேர்வு மற்றும் நேர்காணல் என்ற முறைகளில் தேர்ச்சி இருக்கும் என்று அறிவிக்கப்பட்டுள்ளது. இந்தப் பதவிகளுக்கு விண்ணப்பிப்பதற்கு முன் உங்களுக்கான ஒரு அடையாள ஐ.டி., மற்றும் பாஸ்வேர்டுகளை உருவாக்கி விபரங்களை அறியவும். இதன் பின்னர் அறிவுறுத்தப்பட்ட முறையில் விண்ணப்பங்களை சமர்ப்பிக்கவும்.

விண்ணப்பிக்க இறுதி நாள் : 10.02.2012

நன்றி தினமலர்