பணிநீக்கம் செய்யப்பட்ட மக்கள் நலப்பணியாளர்களை பணியில் சேர்க்க வேண்டும் என்று தனி நீதிபதி பிறப்பித்த உத்தரவை ர‌த்து செ‌ய்ய‌க் கோ‌ரி த‌மிழக அரசு தா‌க்க‌ல் செ‌ய்த மே‌‌ல்முறை‌யீ‌ட்டு மனுவை ‌நிராக‌ரி‌த்த சென்னை உய‌ர் ‌நீ‌திம‌ன்ற‌ம், ஒ‌வ்வொரு முறையு‌ம் உதை‌த்து‌ ‌விளையாட ம‌க்க‌ள் ந‌ல‌ப் ப‌ணியாள‌ர்க‌ள் கா‌ல்ப‌ந்து அ‌ல்ல எ‌ன்று கூ‌றியு‌ள்ளது.

தமிழ்நாடு மக்கள் நல பணியாளர்கள் முன்னேற்ற சங்கத்தின் செயலாளர் எம்.பழனி மற்றும் திண்டுக்கல் மாவட்ட மக்கள் நல பணியாளர்கள் நல சங்கத்தலைவர் என்.செல்லபாண்டியன் ஆகியோர் கடந்த வாரம் மனு ஒன்றை தாக்கல் செய்திருந்தனர்.

அ‌தி‌ல், ''13 ஆயிரம் மக்கள் நலப்பணியாளர்களை பணிநீக்கம் செய்து கடந்த 8ஆ‌ம் தேதி தமிழக அரசு பிறப்பித்த உத்தரவை ரத்து செய்து தங்களுக்கு மீண்டும் வேலை வழங்க உத்தரவிட வேண்டும்'' என்று கூ‌றி‌யிரு‌ந்தா‌ர்.

இ‌ந்த வழக்கை கடந்த 11ஆ‌ம் தேதி விசாரித்த நீதிபதி கே.சுகுணா, மக்கள் நலப்பணியாளர்களுக்கு 31.5.12 வரை பணி நியமனம் செய்யப்பட்டு இருப்பதாலும், இந்த விவகாரத்தின் உண்மை நிலையை கருதியும், அவர்களை பணிநீக்கம் செய்து அரசு பிறப்பித்த ஆணைக்கு இடைக்கால தடை விதித்து உத்தரவிட்டார்.

இந்த வழக்கு மீண்டும் நேற்று முன்தினம் விசாரணைக்கு வந்தது. அப்போது தமிழ்நாடு ஊரக வளர்ச்சி மற்றும் பஞ்சாயத்துராஜ் துறை செயலாளர் என்.எஸ்.பழனியப்பன் பதில் மனு தாக்கல் செய்தார்.

அ‌தி‌ல், ''இந்த சங்கங்களில் சுமார் 13 ஆயிரம் பேர் உறுப்பினர்களாக இருப்பதாக மனுதாரர்கள் கூறுவதில் உண்மை இல்லை. அவற்றில் உறுப்பினராக சேருவதற்கு 14.11.11. வரை முறையே 14 மற்றும் 15 நபர்களே விண்ணப்பம் தாக்கல் செய்திருப்பதாக கூறப்பட்டுள்ளது. இந்த சங்கங்கள் எதுவுமே செயல்பாட்டில் இல்லை. எனவே அந்த சங்கங்களின் மனுக்களை விசாரணைக்கு எடுக்கக்கூடாது. சட்டவிரோதமாகவும், விதிமுறைகளுக்கு முரணாகவும் நியமனம் செய்யப்பட்டதால்தான் அவர்களை பணிநீக்கம் செய்தோம்'' என்று கூ‌றி‌யிரு‌ந்தா‌ர்.

அதைத்தொடர்ந்து, ஏற்கனவே பிறப்பித்த இடைக்கால உத்தரவுப்படி, உய‌ர் ‌நீ‌திம‌ன்ற பதிவகத்தில் 12ஆ‌ம் தேதி தாக்கல் செய்யப்பட்ட பட்டியலில் சங்க உறுப்பினர்கள் யார்-யார்? பெயர் உள்ளதோ, அனைவருக்கும் உடனடியாக மக்கள் நலப்பணியாளர் என்ற பணியை வழங்க வேண்டும் என்று நீதிபதி கே.சுகுணா உத்தரவிட்டார்.

இந்த நிலையில், தலைமை நீதிபதி எம்.ஒய்.இக்பால், நீதிபதி டி.எஸ்.சிவஞானம் ஆகியோர் முன்னிலையில் அட்வகேட் ஜெனரல் நவநீதகிருஷ்ணன் ஆஜரானார்.

2 சங்கத்திலும் மொத்தம் 29 பேர்தான் உறுப்பினராக இருக்கும்போது, 13 ஆயிரம் பேரை மக்கள் நலப் பணியாளராக சேர்க்க வேண்டும் என்று நீதிபதி கே.சுகுணா பிறப்பித்த உத்தரவை எதிர்த்து மேல்முறையீட்டு வழக்கு தாக்கல் செய்வதாகவும், அதை உடனடியாக விசாரிக்க வேண்டும் என்றும் வாதிட்டார். மேல்முறையீட்டு வழக்கை 23ஆ‌ம் தேதி (இன்று) முதல் வழக்காக விசாரணைக்கு எடுத்துக்கொள்வதாக தலைமை நீதிபதி கூறினார்.

தமிழக அரசு தாக்கல் செய்த மேல்முறையீட்டு மனுவில், இந்த பிரச்சனையில் கடந்த 11, 22ஆ‌ம் தேதிகளில் நீதிபதி கே.சுகுணா பிறப்பித்த உத்தரவுகள் சட்ட விரோதமானவை. இந்த சங்கங்கள் கடந்த 2009ஆம் ஆண்டு ஜனவரி மாதம்தான் பதிவு செய்யப்பட்டன. இந்த சங்கத்தில் பதிவு செய்யப்பட்ட உறுப்பினர்களின் பெயர்ப்பட்டியல், சங்க பதிவகத்துக்கு அனுப்பப்படவில்லை.

எனவே இந்த உறுப்பினர் பட்டியலில் எங்களுக்கு சந்தேகம் உள்ளது. இதையெல்லாம் தனி நீதிபதி கவனிக்கத் தவறிவிட்டார். பணியாளர் பிரச்சனையை ரிட் மனுவாக தாக்கல் செய்ய முடியாது. அவர்கள் தற்காலிகமாகவும், ஒப்பந்த அடிப்படையிலும் நியமனம் செய்யப்பட்டனர். இதையும் தனி நீதிபதி கவனிக்க தவறிவிட்டார். விதிமுறைகளை சங்கங்கள் சரிவர பின்பற்றாத நிலையில்கூட, தனது உத்தரவுகளை அமல்படுத்த வேண்டும் என்று தனி நீதிபதி தெரிவித்துள்ளார்.

ஒவ்வொருவருக்கும் தனிப்பட்ட முறையில் பணிநீக்க உத்தரவு தரப்பட்டுள்ளது. அந்த உத்தரவை ரத்து செய்ய முறையிடவில்லை. அதற்கு மாறாக சங்கமாக ‌நீ‌திம‌ன்ற‌த்‌தி‌ல் வழக்கு தாக்கல் செய்துள்ளனர், அதை ஏற்கக்கூடாது. ஆனால் தனி நீதிபதி அவற்றையெல்லாம் கவனிக்கவில்லை. எனவே தனி நீதிபதி பிறப்பித்த 2 உத்தரவுகளையும் ரத்து செய்ய வேண்டும் எ‌ன்று த‌மிழக அரசு தெ‌ரி‌வி‌த்‌திரு‌ந்தது.

இ‌ந்த மனுவை இ‌ன்று ‌விசா‌ரி‌த்த தலைமை ‌‌நீ‌திப‌தி இ‌‌க்பா‌ல் கொ‌ண்ட அம‌ர்வு, த‌மிழக அர‌சி‌ன் ம‌ே‌ல்முறை‌யீ‌ட்டு மனுவை ‌நிராக‌ரி‌த்தது. ''ஒ‌வ்வொரு முறையு‌ம் உதை‌த்து‌ ‌விளையாட ம‌க்க‌ள் நல‌ப்‌ப‌ணியாள‌ர்க‌ள் கா‌ல்ப‌ந்து அ‌ல்ல'' எ‌ன்று‌ம் ‌‌‌நீ‌திப‌திக‌ள் த‌ங்க‌ள் ‌தீ‌‌ர்‌ப்‌பி‌ல் கூ‌றியு‌ள்ளன‌ர்.

செ‌ன்னை உய‌ர் ‌நீ‌திம‌ன்ற‌த்‌தி‌ல் இ‌ன்று அ‌திரடி உ‌த்தர‌வா‌ல் 13,500 ம‌க்க‌ள் நல‌ப் ப‌‌ணியாள‌ர்க‌ள் மீ‌ண்டு‌ம் அம‌ர்‌த்த‌ப்படு‌‌கிறா‌ர்க‌ள். ஆன‌ா‌ல் த‌மிழக அர‌சி‌ன் ‌‌வீ‌ண்‌பிடிவாத‌த்தா‌ல் உ‌ச்ச ‌நீ‌திம‌ன்ற‌ம் செ‌ல்ல வா‌ய்‌ப்பு இரு‌ப்பதாக தெ‌ரி‌‌கிறது.

நன்றி வெப்துனியா