இந்திய விண்வெளி ஆராய்ச்சியில் பிரசித்தி பெற்ற இந்தியன் ஸ்பேஸ் ரிசர்ச் ஆர்கனிசேசனை நாடே அறியும்.
சாட்டிலைட் தொழில் நுட்பத்தை உபயோகித்து அறிவியல், தொழில் நுட்பம் மற்றும் மற்ற உபயோகங்களுக்கு பல்வேறு பணிகளை இந்த நிறுவனமே செய்து வருகிறது. இந்த நிறுவனத்தில் உதவியாளர் பிரிவில் 324 காலி இடங்களையும், ஜூனியர் பெர்சனல் அசிஸ்டன்ட் பிரிவில் 226 காலி இடங்களையும் நிரப்புவதற்கான அறிவிப்பு வெளியாகியுள்ளது.
காலி இடங்களின் விபரம்: அஸிஸ்டன்ட் பிரிவில் பெங்களூருவில் 105ம், ஆமதாபாத்தில் 54ம், ஐதராபாத்தில் 6ம், புது டில்லியில் 6ம், ஸ்ரீஹரிகோட்டாவில் 36ம், திருவனந்தபுரத்தில் 118ம் நிரப்பப்பட உள்ளன. ஜூனியர் அஸிஸ்டன்ட் பிரிவில் ஆமதாபாத்தில் 36ம், பெங்களூருவில் 59ம், ஐதராபாத்தில் 8ம், புது டில்லியில் 2ம், ஸ்ரீஹரிகோட்டாவில் 30ம், திருவனந்தபுரத்தில் 91ம் நிரப்பப்பட உள்ளன. இந்தப் பணி இடங்கள் அனைத்திற்குமே அரசு நிபந்தனைகளுக்கு உள்ளிட்டு எஸ்.சி., எஸ்.டி., ஓ.பி.சி., ஆகிய பிரிவினருக்கு இட ஒதுக்கீடு உள்ளது.
தேவைகள்: ஐ.எஸ்.ஆர்.ஓ.,வின் மேற்கண்ட காலியிடங்களுக்கு விண்ணப்பிக்க 14.12.2011 அன்று 26 வயதுக்கு உட்பட்டவராக இருக்க வேண்டும். அசிஸ்டெண்ட் பிரிவுக்கு விண்ணப்பிப்பவர்கள் ஏதாவது ஒரு பிரிவில் பட்டப்படிப்பைக் குறைந்த பட்சம் 60 சதவிகித மதிப்பெண்களுடன் முடித்திருக்க வேண்டும்.
கம்ப்யூட்டர் தொடர்புடைய திறனும் கூடுதலாகத் தேவைப்படும். ஜூனியர் பெர்சனல் அசிஸ்டன்ட் பதவிக்கு மேற்கண்ட தகுதி கொண்டவர்களும், கமர்சியல்/ரெடேரியல் பிராக்டிசில் டிப்ளமோ முடித்தவர்களும் விண்ணப்பிக்கலாம். இவர்கள் ஸ்டெனோகிராபியில் நிமிடத்திற்கு 80 வார்த்தைகளை எழுதும் திறனும், கம்ப்யூட்டர் திறனும் பெற்றிருக்க வேண்டும்.
இதர தகவல்கள்: ஐ.எஸ்.ஆர்.ஓ., நிறுவனத்தின் இந்த இரண்டு பிரிவுகளுக்கும் விண்ணப்பிக்க ரூ.100/-ஐ கட்டணமாக செலுத்த வேண்டும். விண்ணப்பங்களை ஆன்-லைன் முறையில் மட்டுமே சமர்ப்பிக்க முடியும். எனவே உங்களுக்கான உபயோகத்தில் உள்ள ஒரு பிரத்யேக இ-மெயில் முகவரி இருப்பதனை உறுதி செய்யவும். முழுமையான தகவல்களுக்கு கட்டாயம் இணையதளத்தைப் பார்க்கவும்.
ஆன்-லைனில் பதிவு செய்ய இறுதி நாள் : 14.12.2011
இணையதள முகவரி : [You must be registered and logged in to see this link.]

நன்றி தினமலர்