ஸ்டீல் அதாரிட்டி ஆப் இந்தியா எனப்படும் செய்ல் நிறுவனம் இந்தியாவின் இரும்புத் தேவைகளை நிறைவேற்றுவதற்காக உருவாக்கப்பட்டு இயங்கி வரும் பிரம்மாண்டமான நிறுவனமாகும். வீட்டுத் தேவைகள், இன்ஜினியரிங், ரெயில்வே, ஆட்டோமோடிவ் மற்றும் ராணுவத் துறைகளுக்கான இரும்புப் பொருட்களைத்தயாரிப்பதில் இந்த நிறுவனம் முன்னணியில் உள்ளது.
மத்திய பொதுத்துறை நிறுவனங்களில் செய்ல் நிறுவனம் ஒரு மகத்தான நிறுவனமாகும். இவ்வளவு பெயர் பெற்ற செய்ல் நிறுவனத்தில் டெக்னிக்கல் மற்றும் நிர்வாகப் பிரிவுகளில் 480 நிர்வாகப் பயிற்சியாளர்களைப் பணி நியமனம் செய்வதற்கான அறிவிப்பு வெளியாகி உள்ளது.
தேவைகள்: செய்ல் நிறுவனத்தின் மேனேஜ்மென்ட் டிரெய்னி பதவிக்கு விண்ணப்பிக்க 01.05.2012 அன்று 30 வயதுக்கு உட்பட்டவராக இருக்க வேண்டும். அதாவது 01.05.1982க்கு முன்னர் பிறந்தவர்கள் இந்தப் பதவிக்கு விண்ணப்பிக்க முடியாது.
டெக்னிக்கல் பிரிவுகளில் மெக்கானிக்கல், எலக்ட்ரிக்கல், எலக்ட்ரானிக்ஸ் அண்டு டெலிகம்யூனிகேஷன், இன்ஸ்ட்ரூமெண்டேஷன் அண்டு கன்ட்ரோல் ஆகிய உட்பிரிவுகள் உள்ளன. இவற்றிற்கு விண்ணப்பிப்பவர்கள் தொடர்புடைய பிரிவில் இன்ஜினியரிங் பட்டப் படிப்பைக் குறைந்த பட்சம் 65 சதவீத மதிப்பெண்களுடன் முடித்திருக்க வேண்டும்.
நிர்வாகப் பிரிவில் எச்.ஆர்., மெட்டீரியல், ஆபரேஷன்ஸ் மெட்டீரியல் என்ற உட்பிரிவுகள் உள்ளன. இந்தப் பதவிக்கு விண்ணப்பிக்க எம்.பி.ஏ., சி.ஏ., ஐ.சி.டபிள்யூ.ஏ., போன்ற படிப்பை முடித்திருக்க வேண்டும். முழுமையான தேவைகளை அறிய இணையதளத்தைப் பார்க்கவும். இவற்றில் சில பதவிகளுக்கு சில குறைந்த பட்ச உடல் தகுதிகளும் தேவைகளாக நிர்ணயிக்கப்பட்டுள்ளது.
மற்ற விபரங்கள்: செய்ல் நிறுவனத்தின் மேற்கண்ட காலி இடங்கள் எழுத்துத் தேர்வு, குழுவிவாதம், நேர்காணல் என்ற அடிப்படையில் இருக்கும் என்று தெரிகிறது. இந்தப் பதவிக்கு விண்ணப்பிக்க ரூ.500/-ஐ 32286155304 என்ற அக்கவுண்ட் எண்ணில் சி.ஏ.ஜி., கிளை, புது டில்லியில் செலுத்தத்தக்கதாக ஏதாவது ஒரு ஸ்டேட் வங்கியில் செலுத்த வேண்டும்.
இதன் பின்னர் ஆன்-லைன் முறையில் விண்ணப்பங்களைப் பதிவு செய்ய வேண்டும். விண்ணப்பிக்கும் முன்னர் உங்கள் பாஸ்போர்ட் அளவு புகைப்படம் மற்றும் உங்கள் கையெழுத்தை ஸ்கேன் செய்து வைத்துக் கொள்ளவும். முழுமையான தகவல்களுக்கு இந்த நிறுவனத்தின் இணையதளத்தைப் பார்க்கவும்.
ஆன்-லைனில் பதிவு செய்ய இறுதி நாள் : 09.05.2012
எழுத்துத் தேர்வு நடைபெறும் நாள் : 17.06.2012
இணையதள முகவரி : [You must be registered and logged in to see this link.]

நன்றி தினமலர்