தங்கத் தரணியாளும் தன்மைத் தமிழ்

by **சதாசிவம்** Mon Jan 02, 2012 12:34 pm

தங்கத் தரணியாளும் தன்மைத் தமிழ்
கங்கு கனல் பேசும் உண்மைத் தமிழ்
திங்கள் ஒளி குறைக்கும் வெண்மைத் தமிழ்
பங்கம் இல்லாப் பான்மைத் தமிழ்

கொங்கைப் பால் வார்க்கும் தாய்த் தமிழ்
சிங்கக் குரல் கொடுத்தும், சீறாத் தமிழ்
சிங்கார நடை பயக்கும் சிறப்புத் தமிழ்
சிருங்கார ரசம் கொஞ்சும் சீர்மிகுத் தமிழ்

வங்கக் கடல் கடக்கும் வற்றாத் தமிழ்
சங்கத் தமிழ் சிறக்கும் குற்றாத் தமிழ்
சங்க, பதும நிதி அளிக்கும் தட்டாத் தமிழ்
மங்காத புகழ் நிறைக்கும் மாசிலாத் தமிழ்

சங்கு ஒலி ஒலிக்கும் சந்தத் தமிழ்
பொங்கும் ஒளி ஒளிக்கும் பொலிவுத் தமிழ்
பங்கய மனம் மணக்கும் சந்தனத் தமிழ்
உங்கள் மொழி வளர்த்த சந்தானத் தமிழ்

கங்கையாய் கரைகளை கழுவும் தமிழ்
மங்கையாய் மனதைத் தழுவும் தமிழ்
மங்கு பேதமை மாறப் போதித்த தமிழ்
எங்கள் குலம் தழைக்கச் சாதித்த தமிழ்