கன்னம் சிவக்க
அழுத்தமாய்
முத்தம்

© ம. ரமேஷ் ஹைக்கூ

ஹைக்கூ வாசிப்பு முறைபடி முதல் இரண்டு வரிகள் எடுத்துக்கொள்வோம்.

“கன்னம் சிவக்க
அழுத்தமாய்”

என்ன ஆச்சி... கன்னம் சிவக்க அழுத்தமாய்,
யாராவது அடித்தார்களா?
ஏன் அடித்தார்கள்?
எதற்காக அடித்தார்கள்?
யாரையாவது அடிக்க போய் தவறி மற்றவர்மேல்...
பாடம் படிக்க/எழுதவில்லை என்று ஆசிரியர்...
அல்லது கணவன் மனைவிக்குள்...
ஒரு முடிவுக்கு வர முடியவில்லை!

குழப்பத்தோடு ஹைக்கூ வாசிப்பு முறைபடி முதல் இரண்டு வரிகளை,

(“கன்னம் சிவக்க
அழுத்தமாய்”)

மீண்டும் படித்து விட்டு மூன்றாம் அடியைப் படிக்கிறோம்.

“முத்தம்”

“அட, அடிகிடியெல்லாம்” இல்லை. முத்தம் தான்.

கன்னம் சிவக்க
அழுத்தமாய்
முத்தம்

சரி... முத்தத்திற்கு வருவோம்.

கன்னம் சிவக்க அழுத்தமாய் யார் முத்தம் கொடுத்தது.

காதலன் காதலிக்கா... காதலி காதலனுக்கா?

கணவன் மனைவிக்கா... மனைவி கணவனுக்கா!?

குழந்தைக்கா? குழந்தைக்கு என்றால் யார் கொடுத்து?

குழந்தை முத்தம் கொடுப்பதாக நினைத்து கொடுக்கத் தெரியாமல் கன்னம் சிவக்கக் கடித்து விட்டதா?

கன்னம் சிவக்க அழுத்தமாய் முத்தம் கொடுத்தது முன்னாள் காதலர்களா?

சாதாரணமாக முத்தம் கொடுக்காமல் ஏன் அழுத்தமாய்க் கொடுத்தார்கள்?

சரி... சரி... நானே எல்லாவற்றையும் விளக்கிக் கொண்டிருந்தால் சரியாக இருக்காது. மேலும் பல சிந்தனைகளை உங்களிடமே விட்டுவிடுகிறேன்.

(ஹைக்கூ என்பது இப்படிப் பல சிந்தனையாகவும், கவிஞனுடைய ஹைக்கூவை வாசகனும் அனுபவிக்கும் விதமாகவும் படைப்பதே உண்மையான ஹைக்கூ ஆகும். ஹைக்கூக் கவிஞனுமாவான்.)

தங்களது இந்த பணி நமது தோட்டத்தில் ஒப்பில்லாதது வாழ்த்துகள்!

வாழ்த்துக்கள் ரமேஷ் அருமையான தமிழ்ப்பணி உங்கள் பணி சிறகக் வாழ்த்துக்கள்

அருமையான விளக்கங்கள் தந்து அசத்தறீங்க! வாழ்த்துக்கள்!

ஹைக்கூ என்றாலே காத தூரம் ஓடவைக்கும் படி இன்றைய ஹையோக்கூ கவிஞர்கள் சொதப்புவதைப்பார்க்கும் போது அவர்கள் இதை படித்து கொஞ்சம் தம்மை மாற்றிக்கொண்டு நல்ல ஹைக்கூ கவிதை எழுதுவார்கள் என்று நம்புவோம்..!

அருமை ரமேஷ்... தொடருங்கள்..!

தெளிவான படைப்பு இது !எப்படி எழுதுவது என்பதை விளக்கிய விதம் ,அருமை .பகிர்வுக்கு நன்றி தோழரே.

பின்னூட்டம் அளித்த அனைத்து அன்பர்களுக்கும் நன்றி.

ஹைகூ பற்றி விரிவாக சொன்னது மகிழ்ச்சி. இன்னும் ஜப்பானிய ஜென் தத்துவத்தில் மலர்ந்த ஹைகூ கவிதைகள் பற்றி விளக்கினால் பதிவர்களுக்கு நலம்.



உதாரணமாக:



உதிர்ந்த மலர்

கிளைக்கு திரும்புகிறது...

அடடே...வண்ணத்துப்பூச்சி!



இயற்கையின் எழில் இங்கு அழகியலாக சொல்லப்பட்டுள்ளது.



வாழ்த்துக்கள் ரமேஷ்.

நல்ல விளக்கங்கள் .. வாழ்த்துக்கள் மற்றும் நன்றிகள்

ரமேஷ் அண்ணா இவ்ளோ திறமையா உங்களுக்குள்ள ... அண்ணா நானும் முயற்சி செய்வேன்...


க்ரேட் அண்ணா ......

உணர்ந்தேன்
குழைந்தையின் ஆனந்தம்
அழிந்து போன
சலவைக்குமிழி.

Kaa.Na.Kalyanasundaram wrote:ஹைகூ பற்றி விரிவாக சொன்னது மகிழ்ச்சி. இன்னும் ஜப்பானிய ஜென் தத்துவத்தில் மலர்ந்த ஹைகூ கவிதைகள் பற்றி விளக்கினால் பதிவர்களுக்கு நலம்.

ஐயாவின் வேண்டுகோளை கண்டிப்பாக ஏற்றுக்கொள்கிறேன். விரைவில் பதிவு செய்கிறேன். நன்றி.

மிக்க நன்றி ரமேஷ்