ஷரபோவாவை 6- 3, 6- 0 என்று வீழ்த்தி அசரென்கா சாம்பியன்!

ஸ்ட்ரேலிய ஓபன் கிராண்ட் ஸ்லாம் மகளிர் ஒற்றையர் சாம்பியன் பட்டத்தை பெலாரஸ் வீராங்கனை விக்டோரியா அசரென்கா வென்றார். ரஷ்ய வீராங்கனை மரியா ஷரபோவாவை 6- 3, 6- 0 என்று அதிரடியாக வென்றார் அசரென்கா.

முதல் செட்டில் முதலில் ஷரபோவா, அசரென்கா சர்வை உடைத்து பிறகு தன் சர்வை ஜெயித்து 2- 0 என்று முன்னிலை வகித்தார்.

ஆனால் இந்த மகிழ்ச்சி சிறிது நேரமே நீடித்தது. வெறி கொண்டது போல் ஆடிய அசரென்கா சில அபாரமான பாசிங் ஷாட்களை ஆடி ஷரபோவா சர்வை உடைத்தார். அதன் பிறகு ஷரபோவா ஒரேயொரு சர்வை மட்டுமே வென்றார்.

அதுவே அவர் வென்ற கடைசி சர்வாக அமையும் என்று ஷரபோவா நினைத்துக் கூட பார்த்திருக்க மாட்டார்.

அதன் பிறகு 6- 3 என்று முதல் செட்டைக் கைப்பற்றிய அசரென்கா, தொடர்ந்து 9 சர்வ்களை வெற்றிபெற்றதன் மூலம் இரண்டாவது செட்டை 6- 0 என்று வெற்றி பெற்றார்.

ஷரபோவாவின் பங்கிலும் தவறுகள் இருந்தன. நிறைய ஷாட்கள் வெளியே சென்றது. பல ஷாட்கள் நெட்டில் பட்டு விழுந்தது.

மொத்தத்தில் அசரென்காவின் ஆக்ரோஷம் அவருக்கு முதல் பட்டத்தை பெற்றுத் தந்தது.