[You must be registered and logged in to see this image.]

ராஜஸ்தான் அணிக்கு எதிரான ஆட்டத்தில் சென்னை 
அணி 64 ரன்கள் வித்தியாசத்தில் அபார வெற்றி பெற்றது.

செனனை சூப்பர் கிங்ஸ் மற்றும் ராஜஸ்தான் ராயல்ஸ் 
அணிகள் இடையே ஆன ஐபிஎல் 17-வது ஆட்டம் 
வெள்ளிக்கிழமை புணேயில் நடைபெற்றது. 

முதலில் டாஸ் வென்ற ராஜஸ்தான் அணி பீல்டிங்கை
 தேர்வு செய்தது. சென்னை அணி தரப்பில் 
ஷேன் வாட்சன்-அம்பதி ராயுடு தொடக்க வீரர்களாக 
களமிறங்கினர். 

12 ரன்கள் எடுத்த நிலையில் ராயுடு, லாஹ்லின் பந்தில் 
ஆட்டமிழந்தார். 46 ரன்கள் எடுத்த நிலையில் ரெய்னா 
ஆட்டமிழந்தார். அவரைத் தொடர்ந்து கேப்டன தோனி 5, 
சாம் பில்லிங்ஸ் 3 ரன்களிலும் ஆட்டமிழந்தனர்.

 வாட்சன் 6 சிக்ஸர்கள், 9 பவுண்டரிகளுடன் 57 பந்துகளில் 
106 ரன்களைக் குவித்து ஆட்டமிழந்தார். 
பிராவோ 24 ரன்களுடனும், ரவீந்திர ஜடேஜா 2 ரன்களுடனும் 
ஆட்டமிழக்காமல் இருந்தனர். 20 ஓவர்கள் முடிவில்
 5 விக்கெட் இழப்புக்கு 204 ரன்களை சென்னை அணி
எடுத்திருந்தது.
-
ராஜஸ்தான் தரப்பில் ஸ்ரேயஸ் கோபால்
 3 விக்கெட்டுகளையும், லாஹ்லின் 2 விக்கெட்டுகளையும் 
வீழ்த்தினர். 

அதன் பின்னர் ராஜஸ்தான் சார்பில் ரஹானே,
 ஹெயின்ரிச் லாசன் தொடக்க வீரர்களாக களமிறங்கினர். 
ரஹானே 16 ரன்களிலும், லாசன் 7 ரன்களிலும் ஆட்டமிழந்தனர். 
முந்தைய ஆட்டங்களில்அதிரடியாக ஆடி வந்த சஞ்சு சாம்சன்
 2 ரன்களில் ஆட்டமிழந்தார். 

பென் ஸ்டோக்ஸ் 45, ஜோஸ் பட்லர் 22, ராகுல் திரிபாதி 5, 
ஸ்டுவர்ட் பின்னி 10, கிருஷ்ணப்பா கெளதம் 1, 
ஜெயதேவ் 16 ரன்கள், லாஹ்லின் ரன் ஏதும் எடுக்காமல்
துரிதமாக ஆட்டமிழந்து வெளியேறினர்.

20 ஓவர்கள் முடிவில் அனைத்து விக்கெட்டுகளையும் இழந்து
 140 ரன்களை மட்டுமே ராஜஸ்தான் அணியால் எடுக்க முடிந்தது.

சென்னை தரப்பில் தீபக் சஹார், தாகுர், பிராவோ, 
கர்ன் சர்மா தலா 2 விக்கெட்டுகளையும், வாட்சன், தாஹிர் தலா
 1 விக்கெட்டையும் வீழ்த்தினர்.
-
தினமணி
-----------------------------------


இன்றைய ஆட்டங்கள்
கொல்கத்தா-பஞ்சாப்
நேரம்: மாலை 4.00
இடம்: கொல்கத்தா
-
பெங்களூரு-தில்லி
நேரம்: இரவு 8.00
இடம்: பெங்களூரு
நேரடி ஒளிபரப்பு: 
ஸ்டார் ஸ்போர்ட்ஸ்