கிறிஸ்துவைப் பற்றிய பாரம்பரியக் கதை ஒன்று உண்டு.
இயேசுவின் ஊழிய ஆரம்ப நாட்களில் அவரோடு சேர்ந்து ஊழியம் செய்ய ஒரு வாலிபன் இருந்தான். பல கிராமங்களில் ஊழியம் செய்த இயேசுவுக்கு தாங்க முடியாத தாகம் உண்டானது.
வாலிபன் அவரிடம்,""ஐயா! இந்த மரத்தடியிலே சற்றே அமர்ந்திருங்கள். நான் வேகமாக ஓடி கிராமத்திற்குள் சென்று உங்களுக்கு நிறைய தண்ணீர் கொண்டு வருகிறேன்,'' என்றான். தாகமடைந்திருந்த இயேசுவை உட்கார வைத்துவிட்டு வாலிபன் ஊருக்குள் ஓடினான்.
முதல் வீட்டைத் தட்டியதும் ஒரு இளம்பெண் கதவைத் திறந்து, புன்முறுவலோடு வரவேற்றாள். வாலிபன் தண்ணீர் வேண்டுமென்று கேட்டான். அவளோ சற்று அமர்ந்திருந்தால் செம்பு நிறைய சூடான பால் தருவதாகக் கூறினாள். அடுப்பில் பால் சூடாகிக் கொண்டிருந்தது. பெண்ணும் வாலிபனும் ஊழியங்களைக் குறித்த பல விஷயங்களைப் பேச ஆரம்பித்தார்கள். நேரம் போவதே தெரியவில்லை. சற்று நேரத்தில் பெண்ணின் தாயும் தகப்பனும் வந்துவிட்டார்கள்.
அவர்களுக்கு அந்த வாலிபனை மிகவும் பிடித்துப் போய்விட்டது. சாப்பிட்டுவிட்டு தான் போகவேண்டும் என்று வற்புறுத்தி அவனை அமர வைத்தார்கள். இதற்குள் அவனுக்கு கிறிஸ்துவின் தாகம் முற்றிலும் மறந்துபோய்விட்டது. பல நாட்கள் அங்கு தங்கினான். அந்தப் பெண்ணைத் திருமணம் செய்து கொண்டான். இரண்டு குழந்தைகள் பிறந்தன. உல்லாசமாக காலம் கழிந்து கொண்டு வந்தது. ஒரு நாள் வெளியே வேலைக்குச் சென்று மிக களைப்புடனும் மிக தாகத்துடனும் வீடு திரும்பினான். அவன் வீடு எரிந்து கிடந்தது. மனைவியும் பிள்ளைகளும் கருகிச் செத்துக் கிடந்தனர். வேதனை அவன் உள்ளத்தைக் கவ்விப் பிடித்தது.
""என்ன மாயமான வாழ்க்கையிது! வீட்டைவிட்டு வெளியேறினான். நடந்து நடந்து கண்ணீர் சிந்தியபோது, ஒரு குரல் கணீர் என்று கேட்டது. அங்கே திரும்பினான். அங்கு இயேசு ரத்தவெள்ளத்தில் தொங்கிக் கொண்டு ""தாகமாயிருக்கிறேன்!'' என்று கூப்பிட்டுச் சொன்னார்.
அப்பொழுது தான் மூன்று ஆண்டுகளுக்கு முன் கிறிஸ்துவை தாகத்தோடு மரத்தடியில் உட்கார வைத்துவிட்டு வந்த நினைவு அவனுக்குள் வந்தது! அவர் தாகத்தைத் தீர்க்க இனி அவன் என்ன செய்வான்? ""ஐயோ! அன்று அவரை அசட்டை செய்தேனே!'' என்று புலம்பி அழுதான்.
""அவர் அசட்டை பண்ணப்பட்டவரும், மனுஷரால் புறக்கணிக்கப்பட்டவரும், துக்கம் நிறைந்தவரும், பாடு அனுபவித்தவருமாய் இருந்தார்; அவரைவிட்டு, நம்முடைய முகங்களை மறைத்துக் கொண்டோம்! அவர் அசட்டை பண்ணப்பட்டிருந்தார்; அவரை எண்ணாமற்போ@னாம். நாமெல்லாரும் ஆடுகளைப்போல வழிதப்பித்திரிந்து, அவனவன் தன் வழியிலே போனோம்''(ஏசாயா 53:3.6) என்கிறது பைபிள்.

நீதியையும் நியாயத்தையும் காத்து கர்த்தரின் வழியில் நடவுங்கள்
- பைபிள்

நன்றி தினமலர்