அவனும் அவளும்.....

by பிரேமலதா Tue Feb 07, 2012 2:17 pm

ஆண்:

கொடியிடையாளை மீட்டும்
யாழ்(ப்)பாணம் நானடி
எல்லை தாண்டிய பயங்கரவாதம்
உன்னழகில் தானடி
வரலாற்று வாளை வீசி
நீ செய்யும் போரடி
இரட்டைப்படை ஆயுதமே
உன் கண்கள் தானடி
அகிம்சை உந்தன் பெயரடி
அதில் நான் வாழ்வேன் - என்
ஆயுளிருக்கும் வரையடி!

உன் முகவரியழகில்
முகவரி தொலைத்து ஓர்
அகதியைப் போலானேன்...
எந்த திசைகளும் எனக்கு
உன் முகம் தெரியும் - உன்
அசைவினில் சேயானேன்....

பெண்:

தேக்கின் செழுமையில்
தேங்கிக் கிடப்பவனே...
எல்லை தாண்டாமல்
என்னுள் போர் செய்பவனே...
தமிழ்க் கவியில் நீ ஒரு
தனிச்சிகரம் தானடா...
பொய் சொல்லியே - என்னை
புகழ்வது உன் வாடிக்கைதானடா....
ஊருக்காக நீ வாழ்ந்தாலும் - என்
துணை எப்போதும் நீதானடா....!

யாசகா என்னை யாசகி!
ஒரு வாசகன் போல நீ சுகி - என்
நரம்பினில் உனது கவியும் தீண்ட
ரகசிய கீர்த்தனை நானானேன்
ஒரு பூபாளம் இசைந்திட
புது பிறப்பினில் தாயானேன்...

by **தமிழ்1981** Tue Feb 07, 2012 4:48 pm

வணக்கம்,
மிகவும் நல்ல ஒரு கவிதை........ கவிதை என்பதை விட காதலனும், காதலியும், பாடும் காதல் பாடல் என்றே சொல்லலாம்........
"உன் முகவரியழகில்
முகவரி தொலைத்து ஓர்
அகதியைப் போலானேன்...
எந்த திசைகளும் எனக்கு
உன் முகம் தெரியும் - உன்
அசைவினில் சேயானேன்" மிக்க மகிழ்ச்சி

சிறப்பாக உள்ளது வரிகள்

by பிரேமலதா Wed Feb 08, 2012 11:57 am

நன்றிகள் பல... [You must be registered and logged in to see this image.]

by **கவியருவி ம. ரமேஷ்** Wed Feb 08, 2012 2:45 pm

ஊருக்காக நீ வாழ்ந்தாலும் - என்
துணை எப்போதும் நீதானடா....!

தங்களின் இவ்வரிகளில் கவிதைக் காதல் வாழும்... வாழ வேண்டும்

பாடல் வடிவில் சிறப்பாக இருக்கிறது... பாராட்டுகள்... மிக்க மகிழ்ச்சி