காதலர் தின சிறப்பு கவிதை-அதிரூபவதிக்கு

by **manisen37** Mon Feb 13, 2012 11:03 pm

உனக்கு பின்னால்
ஒளிவட்டம்
எதுவும் தோன்றவில்லை
கையில் ஆயுதங்களும்
எதுவும் இல்லை
ஆபரணங்களின் ஆதிக்கமும்
உன் திருமேனியில் இல்லை
எனினும்
நீ
என் காதலின் கடவுள்.
.....................................................

நீ
உனக்கு திருமணமாக
கோயில்சுற்றி வருகிறாய்.....

நான்
நமக்கு திருமணமாக
உன்னை
சுற்றி வருகிறேன்

...............................................

ரணமளிப்பவள்
நீ
என்பதால்.........
உயிர் வலிக்கும்
பொழுதெல்லாம்
சிரித்துக்கொள்கிறேன்.
...............................

நமது சந்திப்புகள்
காலி தேனீர் கோப்பைகளோடு
கவலைகளை வைத்துவிட்டு
மனசு முழுக்க
காதலை நிரப்பிக்கொண்டு
நிறைவடைகின்றன
................................
யாரிடமும்
இரகசியம் பேச
பிடிக்காத
உனக்குள் தான்....
இரகசியமாய்
வளர்ந்து கொண்டு இருக்கிறது
என் காதல்
.................................

எந்த விளையாட்டும்
விளையாடத் தெரியாத
உனக்கு
காதல் விளையாட்டை
அறிமுகப்படுத்தவே
நான்
பிறந்திருக்கிறேன்.

.........................................

நிறைய பேசுகிறாய்
நிறைய எழுதுகிறாய்
நிறைய சிந்திக்கிறாய்
அனைத்தும்
நிறைவாகவே
நிறைந்திருக்கும்
உன்னிடத்தில்
எப்படி இல்லாமல் போனது....
காதல்?
...................................

உன்னை பற்றி
அதிகம் தெரிந்த
எனக்குதான்.........
என்னைப் பற்றி
எதுவும் தெரியாது
...................................

...................................
என்
மனசு முழுக்க
நிறைந்திருக்கும்
உன்னைத்தான்
பூங்காவில்
உன் தோழிகள்
தேடிக்கொண்டிருக்கிறார்கள்.