வாக்களித்தவர்கள் வருத்தத்தில் ! கவிஞர் இரா .இரவி

by **eraeravi** Fri Mar 02, 2012 9:24 pm

வாக்களித்தவர்கள் வருத்தத்தில் ! கவிஞர் இரா .இரவி

மதுரையில் நினைத்தபோதெல்லாம் மின் தடை .மக்கள் மிகவும் வருத்தத்திலும்
,வேதனையிலும் உள்ளனர் .மாணவ, மாணவியர் தேர்வு நெருங்குவதால் படிப்பதில் சிரமம்
.வயதானவர்கள் ,நோயாளிகள் மிகவும் சிரமப் படுகின்றனர் .சென்ற ஆட்சியில்
அறிவித்து விட்டு மின்தடை செய்ததே தவறு என்ற கோபத்தில் தான் இந்த ஆட்சியை
கொண்டு வந்தனர் .
இந்த ஆட்சியில் இரவு, பகல் பாராமல், அறிவிக்காமல் மனம் போனப் போக்கில் மின் தடை செய்கின்றனர் .மக்கள் கொதித்துப் போய் உள்ளனர் .மின்தடை மைய அரசால் திட்டமிட்டு திணிக்கப் பட்டு உள்ளது என்ற சந்தேகமும் மக்களுக்கு வருகின்றது .

சிறு தொழில் ,பெரு தொழில் .வணிக நிறுவனங்கள் பொது மக்கள் அனைவரும்
சிரமப் படுகின்றனர் .தமிழ் நாட்டு அனல் மின் நிலையங்களில் கிடைக்கும்
மின்சாரம் வேறு மாநிலங்களுக்கு அனுப்புவதை நிறுத்தி முழுவதும் தமிழகத்திற்கே பயன் படுத்துக.

எரியும் நெரிப்பில் எண்ணை ஊற்றுவதுப் போல !
--------------------------------------------------------------------------------------------------

எரியும் நெரிப்பில் எண்ணை ஊற்றுவதுப் போல மதுரையில் தலைக்கவசம் கட்டாயமாகப் பட்டு மக்களை துன்புறுத்தி வருகின்றனர். பார்வை மங்கலானவர்கள் ,சளி தொந்தரவு உள்ளவர்கள் தலைக்கவசம் அணிவது நோயையும் ,விபத்தையும் உண்டாக்கும் .

தலைக்கவசம் தயாரிக்கும் நிறுவனங்களின் கவனிப்பின் காரணமாக தலைக்கவசம் கட்டாயம் ஆக்கி உள்ளனரோ ?என்ற சந்தேகமும் மக்களுக்கு உள்ளது .

நேற்றும் ,இன்றும் மதுரையில் திரும்பிய பக்கம் எல்லாம் தலைக்கவசம்
அணியாதவர்களிடம் அபராதம் வசூலித்து ,வசூல் வேட்டை நடத்தி ,மக்களின் வெறுப்பை
காவல் துறை சம்பாதித்து வருகின்றது .பெண்களையும் விட்டு வைக்கவில்லை .சிலர்
அபராதம் கட்டப் பணம் இன்றி வாகனத்தை வைத்து விட்டு செல்கின்றனர் .
தலைக்கவசம் கட்டாயமாக்கியது தவறு .தெருவிளக்கு மின்தடை காரணமாக எரிய வில்லை .தலைக்கவசம் அணிந்துக் கொண்டு ,இருட்டில் வாகனம் ஒட்டுவதால் விபத்து வரும் . விரும்புபவர்கள் அணியும் நிலையே நீடிக்க
வேண்டும் .இந்நிலை தொடர்ந்தால் அரசின் மீது மக்களுக்கு வெறுப்பு
வரும் .இந்த வெறுப்பு சங்கரன் கோயில் இடைத் தேர்தலில் பிரதிபலிக்க வாய்ப்பு
உண்டு .எனவே முதல்வர் தலையிட்டு தலைக்கவசம் கட்டாயம் என்பதை நீக்க வேண்டும் .

by **கவியருவி ம. ரமேஷ்** Fri Mar 02, 2012 9:35 pm

1.எல்லா வீட்டுக்கும் இலவசமாக இன்வெட்டர் கொடுக்கலாம்....

2.தலைக்கவசத்தை அரசாங்கமே - தமிழக அரசே இலவசமாகத் தர வேண்டும்...

கேட்காமலே எவ்வளவு தருகிறார்கள்? இத தர ஏன் யோசிக்க மாட்டேன் என்கிறார்கள்?

by **eraeravi** Fri Mar 02, 2012 9:45 pm

மின்தடை நீக்க வேண்டும் .
தலைக்கவசம் கட்டாயம் என்பது நீக்க வேண்டும்
இலவசத்தால்தான் நாடு கெட்டது.

by **கவியருவி ம. ரமேஷ்** Fri Mar 02, 2012 10:02 pm

இல்லை... இன்றைய இலவசத்தால்தான் இந்திய அரசியலே நடக்கிறது.

இலவசத்தால்தான் நாடு வளர்கிறது என்பது அரசியல் பார்வை

தலைக்கவசம் கட்டாயம் என்பது நீக்க வேண்டும் என்பது சரியல்ல... கட்டாயம் அணிய வேண்டும்.. ஒரு உயி்ர் போனால் அவர்களுக்கு ஒன்றும் கஷ்டம் இல்லை என்பதை உணர வேண்டும்.

அந்தக் குடும்பம்தான் பாதிப்பே... தலைக்கவசம் கட்டாயம் அணிவோம்

இரண்டு ஆண்டுகளில் நான் நான்கு நண்பர்களை இழந்துள்ளேன்... விபத்தால்... வாக்களித்தவர்கள் வருத்தத்தில் ! கவிஞர் இரா .இரவி 2077966078

வாக்களித்தவர்கள் வருத்தத்தில் ! கவிஞர் இரா .இரவி 2077966078

by **eraeravi** Fri Mar 02, 2012 10:12 pm

இலவசமாக மீன் தருவதை விட மீன் பிடிக்கக் கற்றுத் தருவது சிறந்தது .
தலைக்கவசம் நெடுந் தூரம் பயணம் செய்பவர்கள் அவர்களாக விரும்பி அணிந்துக் கொள்ளலாம் .நகருக்குள் செல்பவர்கள் தலைக்கவசம் அணிவதன் காரணமாக வியர்த்து முச்சு திணறி பல நோய்கள் வருகின்றது .தலைக்கவசம் தலையை காக்கும் .விபத்தை தடுக்காது .தலைக்கவசத்தால் பார்வை குறைந்து ,காது சரியாக கேட்காமல் இருட்டில் பல விபத்து நடக்கின்றது .